ပြောင်းလဲချိန်တန်ပြီ ဆိုသော်ငြားလည်း - ကျော်စွာမြင့် (၁၉၈၈-၁၉၉၂ ဗ.က.သ)
“အစိုးရသစ်သာ တက်လာတယ် ဘာမှ ထိထိရောက်ရောက် မပြောင်းလဲသွားပါဘူး” ဆိုတဲ့ စကားရပ်ကို ယနေ့ကာလမှာ ဘေးထိုင်ဘုပြော နိုင်ငံရေးသမားလိုလို၊ ဝေဖန်ရေးသမားလိုလို၊ မီဒီယာသမားလိုလို ပုဂိ်္ဂုလ်တွေက လူမှုကွန်ရက်ပေါ်တွေမှာ သတင်းစာမျက်နှာပေါ်တွေမှာ ရေးသားပြောဆိုနေတာကို တွေ့မြင်နေရပါတယ်။
ဖြတ်သန်းလာခဲ့ရတဲ့ ခေတ်သမိုင်းကို ပြန်ပြောင်းကြည့်မယ်ဆိုရင် ၁၉၈၈ ခုနှစ်၊ သြဂုတ်လ ၈ ရက်နေ့က စတင်ခဲ့ကြတဲ့ ရှစ်လေးလုံး ပြည်သူ့ဒီမိုကရေစီလူထု အုံကြွမှုကြီးမှတစ်ဆင့် ရာစုနှစ်ပေါင်းများစွာ ရဟန်းရှင်လူ ကျောင်းသားပြည်သူတို့ရဲ့ အသက်သွေးချွေးပေါင်းများစွာ ရင်းနှီးပေးဆပ်ခဲ့ကြပြီး ယနေ့ကာလမှာ ပြည်သူက ရွေးချယ်တင်မြှောက်သော ပြည်သူ့ဒီမိုကရေစီ အစိုးရသစ်လက်ထက်သို့ ရောက်ရှိလာခဲ့ချိန် ဖြစ်ပါတယ်။
လူထု ခေါင်းဆောင် ဒေါ်အောင်ဆန်းစုကြည် ခေါင်းဆောင်တဲ့ ပြည်သူ့ဒီမိုကရေစီ အစိုးရတစ်ရပ် ပေါ်ထွန်းလာဖို့ အချိန်တွေ၊ ဘ၀တွေ၊ ဘယ်လောက်ပေးဆပ်ခဲ့ကြရတယ်၊ ရင်းနှီးခဲ့ကြရတယ်ဆိုတာ ဒီနေ့ လူမှုကွန်ရက်ပေါ်မှာ၊ သတင်း စာမျက်နှာတွေပေါ်မှာ ဝေဖန်ရေး၊ လေကန်ရေး ရေးသားနေကြသူတွေ ကိုယ်တိုင်ကိုယ်ကျ လက်တွေ့ ကြုံတွေ့မသိနိုင်ခဲ့ကြတဲ့ ဖြစ်ရပ်တွေပါ။
ပြည်သူက တင်မြှောက်လိုက်တဲ့ ပြည်သူ့အစိုးရလက်ထက် ရောက်နေတာတောင် နောက်ပြန်ဆွဲ အတွေးအခေါ်များနဲ့ တွေ့မြင်သမျှ မကောင်းပြော၊ အပြစ်ရှာ ဝေဖန်ရေးလုပ်ကြမယ် ဆိုတဲ့သူတွေကို လေ့လာကြည့်လိုက်ပြန်ရင်လည်း ၁၉၈၈ ခုနှစ်ကာလမှာ တချို့က လူ့လောကထဲတောင် မရောက်ကြသေးသလို၊ တချို့ကလည်း အဲဒီအချိန်က နို့နံ့တောင် မစင်သေးတဲ့ ကလေးအရွယ်ဘ၀ တွေဖြစ်နေကြပြီး သူတို့ကိုယ်တိုင် မပါဝင်ခဲ့ကြတဲ့ခေတ်ကို နားမလည်နိုင်ဘဲ ဝေဖန်ရေး လုပ်နေကြပြန်တာ တွေ့ရပါတယ်။ တကယ်တော့ ခေတ်စနစ်တွေ ပြောင်းလဲဖို့ဆိုတာ အဲဒီခေတ်စနစ်ထဲက လူတွေရဲ့ အကျင့်စရိုက်တွေ အဓိက ပြောင်းလဲနိုင်ကြဖို့ လိုအပ်တာပါ။ စနစ်တွေ ဘယ်လောက်ကောင်း ကောင်း လူတွေရဲ့လိုက်နာကျင့်သုံးပြောင်းလဲနိုင်မှု မရှိဘူးဆိုရင် ဘယ်လိုမှ ပြောင်းလဲချိန်တန်လာမှာ မဟုတ်ပါဘူး။ လမ်းတွေ ဘယ်လိုပင် ကောင်းမွန်အောင် ဖောက်ထားပါစေ အဲဒီလမ်းပေါ်မှာ မှန်မှန်ကန်ကန် စည်းကမ်းတကျ မလျှောက်လှမ်းနိုင်ဘူး ဆိုပါက အောင်မြင်မှုမရနိုင်ပါ။
လူထု ခေါင်းဆောင် ဒေါ်အောင်ဆန်းစုကြည် ဦးဆောင်တဲ့ ပြည်သူ့ဒီမိုကရေစီအစိုးရသစ် တာဝန်ယူခဲ့တာဟာ အချိန်ကာလ ၇လကျော် ခန့်ရှိလာနေပြီ ဖြစ်ပါတယ်။ ဒါပေမဲ့ နှစ်ပေါင်းများစွာ အကျင့်ပျက်မှု၊ စည်းကမ်းမဲ့မှုနဲ့၊ အဂတိလိုက်စားမှု စရိုက်လက္ခဏာတွေက ယနေ့တိုင် မပြောင်းလဲနိုင်ကြသေးပါ။ ကွမ်းတံတွေးမထွေးရ ဆိုင်းဘုတ်တွေမှာ ကွမ်းတံတွေး ထွေးနေကြတုန်းဖြစ်ပြီး၊ အမှိုက်မပစ်ရဆိုတဲ့ နေရာမှာ အမှိုက်ပုံနေကြတုန်းပဲ ဖြစ်ပါတယ်။ အစိုးရသစ်အနေနဲ့ ပြောင်းလဲချိန် တန်ပါပြီဆိုတဲ့ ကြွေးကြော်မှုဟာ မြန်မာ့လူ့အဖွဲ့အစည်း တစ်ခုလုံး အတွေးအခေါ် အယူအဆ၊ အလေ့အကျင့် စရိုက်လက္ခဏာ၊ စည်းကမ်းလိုက်နာ စောင့်ထိန်းမှု၊ တရားဥပဒေ လေးစားရိုသေမှု၊ ကိုယ်ချင်းစာနာစိတ် ထားမှုဆိုတာတွေကို တစ်ဦးတစ်ယောက်ချင်းကစပြီး မိမိပတ်ဝန်းကျင်၊ မိမိမိသားစု အသိုင်းအ၀ိုင်းမှာ ပြောင်းလဲသွားကြဖို့ ဖြစ်ပါတယ်။
ဒါပေမယ့် ပွင့်ပွင့်လင်းလင်း ပြောရရင် ယနေ့အထိ မြန်မာ့လူ့အဖွဲ့အစည်းအတွင်းက ပြောင်းလဲမှုများ နှေးကွေးလျက် ရှိနေတုန်းပါပဲ။ ဒါကြောင့် အစိုးရသစ်လက်ထက်မှာ ဘာတွေမှ ထူးထူးခြားခြား မပြောင်းလဲပါဘူးဆိုတဲ့ ဝေဖန် ပြစ်တင်မှုများအပေါ် မြန်မာ့အရေး လေ့လာသူ ဥရောပနိုင်ငံရေးပညာရှင် Dr.David Bouhelirer က သူ့အမြင်ကို ပြောကြားရာမှာ “အစိုးရသစ်လက်ထက်မှာ ကြီးမားတဲ့ အပြောင်းအလဲတစ်ခုက ယခင်အစိုးရ အဆက်ဆက် နိုင်ငံရေးသမားတွေကို ဖိနှိပ်ချုပ်ချယ်ဖမ်းဆီးခဲ့တဲ့ ပုဒ်မ ၅(ည)လို မတရားတဲ့ ဥပဒေတွေကို ချက်ချင်း ပယ်ဖျက်နိုင်ခဲ့တယ်။
လွတ်လပ်စွာ ပြောဆိုဝေဖန်မှု၊ လွတ်လပ်စွာ ရေးသားဖော်ပြမှုတွေ ရရှိလာခဲ့တဲ့အပြင် လွတ်လပ်စွာ ဆန္ဒထုတ်ဖော်မှုဆိုင်ရာ ဥပဒေကိုလည်း ပြင်ဆင်နိုင်ခဲ့တာတွေ တွေ့ရပါတယ်။ စီးပွားရေး ဖွံ့ဖြိုးတိုးတက်မှုဆိုင်ရာကို ကြည့်မယ်ဆိုရင်လည်း အရေးကြီးလှတဲ့ အမေရိကန်နိုင်ငံရဲ့ ပိတ်ဆို့မှုအားလုံးကို ရုပ်သိမ်းနိုင်အောင် စွမ်းဆောင်နိုင်ခဲ့ပြီး မြန်မာနိုင်ငံအနေနဲ့ အထူးကုန်သွယ်မှုဆိုင်ရာ အခွင့်အရေးတွေ ပြန်လည်ရရှိလာနိုင်ခဲ့ပြီလည်း ဖြစ်ပါတယ်။
အရေးကြီးဆုံးအချက်က နိုင်ငံတစ်ခုရဲ့ စနစ်တစ်ခုမှ စနစ်သစ်တစ်ခုဆီသို့ အသွင်ကူးပြောင်းရေး ကာလဆိုတာ အနည်းဆုံး ၅ နှစ်မှ ၁၀ နှစ်အထိ အချိန်ယူရမှာဖြစ်ပါတယ်။ ဒါပေမဲ့ မြန်မာပြည်သူတွေအနေနဲ့ ဖိနှိပ်မှုနဲ့ ဆင်းရဲမွဲတေမှု ခံစားရတာ ရှည်ကြာခဲ့တဲ့အတွက် အစိုးရသစ် အပြောင်းအလဲမှာ ချက်ချင်းလက်ငင်း တိုးတက်ပြောင်းလဲသွားမယ်လို့ မျှော်လင့်နေခဲ့ကြတာကို တွေ့ရပါတယ်။
အသွင်ကူးပြောင်းရေး ကာလတစ်ခုကို ဖြတ်သန်းရမယ်ဆိုတာ လက်မခံနိုင်ကြသူ အတော်များများရှိကြောင်း လေ့လာတွေ့ရှိရပါတယ်။ ဒါကြောင့်လည်း ပြောင်းလဲမှု သိပ်မရှိဘူး၊ အရင်အတိုင်း သိပ်မထူးပါဘူး ဆိုတာမျိုးတွေ အားမလိုအားမရ ဝေဖန်လာခဲ့ကြတာဖြစ်ပါတယ်” လို့ သုံးသပ်ပြောဆိုခဲ့ပါတယ်။
အဲဒီအခြေအနေမှာ မြန်မာ့ လူ့အဖွဲ့အစည်းအတွင်း အစိုးရသစ်ရဲ့ အပြောင်းအလဲနဲ့အတူ ဟန်ချက်ညီ ပူးပေါင်းပါဝင်နိုင်ရေးနဲ့ စပ်လျဉ်းပြီး ရန်ကုန်တက္ကသိုလ် အငြိမ်းစား ဘောဂဗေဒ ပါမောက္ခကြီးတစ်ဦးက ဝေဖန်အကြံပြုပြောကြားရာမှာ “အစိုးရက စနစ်ပြောင်းဖို့လိုတယ်။
အစိုးရကိုချည်း အပြစ်တင်နေမယ့်အစား ကိုယ်တွေကရော
ဘယ်လောက် ပြောင်းလဲလာပြီလဲဆိုတာ ပြန်ပြီးဆန်းစစ်ကြည့်ဖို့လိုတယ်။ ဒီနေ့အထိ လမ်းပေါ်မှာ ကွမ်းတံတွေးထွေးတယ်၊ ကားပေါ်ကနေလမ်းမပေါ်ကို ထွေးချတယ်၊ တွေ့ကရာနေရာ အမှိုက်ပစ်တယ်၊ မနေ့တစ်နေ့က ရန်ကုန်မှာ ညဈေးတန်းအသစ် ဆိုပြီး အစိုးရက စည်းကမ်းတကျ ဖွင့်ပေးလိုက်တယ်။
ဖွင့်ပြီးနောက် တစ်ရက်မှာ အဲ့ဒီညဈေးတန်းနောက်က ရေမြောင်းထဲကို အမှိုက် တွေပစ်ချထားတာ လူမှုကွန်ရက်ပေါ်မှာ တွေ့လာရတယ်။ အရေးကြီးဆုံးက တစ်ဦးတစ်ယောက်ချင်းစီ စည်းကမ်းမရှိရင် အစိုးရက ဘယ်လိုပဲ စနစ်ကောင်းတွေ၊ အပြောင်းအလဲကောင်းတွေ ချမှတ်ပါစေ မအောင်မြင်နိုင်ဘူးဆိုတာ အရှိတရားပါ။ နေ့စဉ်သွားလာနေကြတဲ့ ခရီးသွားပြည်သူတွေကို ကြည့်ရင်လည်း မှတ်တိုင်မှာ ဘတ်စ်ကား မစီးကြဘဲ မီးပွိုင့်မှာပဲ တားဆီးတက်ကြတဲ့ အကျင့်တွေ၊ တွေ့ကရာနေရာကနေ Taxi ငှားစီးတတ်ကြတဲ့ အကျင့်တွေ၊ လမ်းမကူးစေချင်လို့ တုံးတွေပိတ်ထားရင်တောင် ကျော်တက်ပြီး ကူးတတ်တဲ့အကျင့်တွေ ပြင်ဆင်နိုင်ကြဖို့လိုတယ်။ အရပ်ဘက် လူမှုအဖွဲ့အစည်းတွေကလည်း အဲဒီလို ပြည်သူတွေကို နိုင်ငံကြီးသားပီသစွာ စည်းကမ်းတကျ သွားလာနေထိုင်နိုင်ကြအောင် ပညာပေးတိုက်တွန်း လမ်းညွှန်ပေးဖို့ လိုအပ်ပါတယ်။
နောက်ဆုံး ဘယ်နေရာမဆို ရှေ့က ရောက်နေသူကို နောက်က ရောက်လာသူက (တန်းစီ)ပြီး စနစ်တကျ စောင့်ဆိုင်းပေးခြင်းဆိုတာတဲ့ အလွန်သေးငယ်တဲ့ စရိုက် လက္ခဏာ အလေ့အကျင့်တောင် ပြည်သူတွေမှာ အားနည်းနေသေးတာ ၀မ်းနည်းစရာတွေ့နေရဆဲ ဖြစ်ပါတယ်။
ဘယ်နေရာကြည့်ကြည့် တစ်ခုခုဆို ရှေ့ကိုရောက်ဖို့ ကိုယ်လိုချင်တာ ကိုယ်ဖြစ်ချင်တာ အရင်လုပ်ရဖို့ ဘယ်သူ့ကိုမှ အားမနာ မရှက်မကြောက်ဘဲ ကြားဖြတ်ဝင်တာ၊ ကိုယ်ရရင်ပြီးရော ဆိုတဲ့ တစ်ကိုယ်ကောင်းဆန်တဲ့ စိတ်ဓာတ်တွေကို အရင်ဆုံးပြင်ကြဖို့လိုပါတယ်။ သေသေချာချာ ပြန်ပြီး ဆန်းစစ်ကြည့်မယ်ဆိုရင်လည်း နိုင်ငံသားတွေ အခုလို စည်းကမ်းမဲ့ခဲ့တာတွေ၊ တစ်ကိုယ်ကောင်းဆန်တဲ့ စိတ်ဓာတ်တွေ များလာခဲ့တာတွေဟာ စနစ်ဟောင်းက အမှောင်ခေတ်ကြီးထဲမှာ အရာရာကို ကြောက်ရွံ့နေခဲ့ကြ ရပြီး သက်ဦးဆံပိုင် ဘုရင်စနစ်လို အာဏာအမိန့်နဲ့ အုပ်ချုပ်ခံခဲ့ရတာကြောင့် ဆိုရင်လည်း မမှားပါဘူး။
ပြည်သူတွေကို စည်းကမ်းရှိလာဖို့ထက် ပြည်သူတွေကို ကြောက်ရွံ့နေဖို့ တစ်ခုတည်းကိုသာ လုပ်ခဲ့ကြတဲ့အတွက် လူ့သဘောသဘာဝအရ တစ်ဖက်မှာ ကြောက်ရွံ့မှုကို တစ်ဖက်မှာ စည်းကမ်းမဲ့မှုနဲ့ ထွက်ပေါက် ပေးခဲ့ကြမှုတွေလို့ သုံးသပ်မိပါတယ်။ ကိုယ်ကျင့်တရား အပိုင်းမှာလည်း တစ်ကိုယ်ကောင်းဆန်တဲ့ သူတွေ အုပ်ချုပ်မှုအောက်မှာ နိုင်ငံသားတွေ တစ်ကိုယ်ကောင်း ဆန်လာခဲ့ကြပါတယ်။ ငါရရင်၊ ငါဖြစ်ရင်၊ ငါအကျိုးအမြတ်ရရင် ပြီးရောဆိုတဲ့ စိတ်ဓာတ်မျိုးတွေ ရလာခဲ့ကြပါတယ်။
နိုင်ငံ့ဝန်ထမ်းတွေဘက်ကို ကြည့်မယ်ဆိုရင်လည်း ကိုယ်က ဘယ်လောက်ပဲ ကြိုးစားကြိုးစား အထက်အပေါ်က လူက ငါမသိရင် ငါမခိုင်းရင် ဘာမှမလုပ်ရ၊ လုပ်မိရင် အလုပ်ပြုတ်မယ်၊ အရေးယူ နယ်ပြောင်းခံရမယ်ဆိုတဲ့ စနစ်အောက်မှာ နေခဲ့ရပြန်တော့ ၀န်ထမ်းလောကမှာ ကိုယ်ပိုင် အရည်အချင်းများနဲ့ တိုင်းပြည် တည်ဆောက်ရေးဆိုတာ ပျောက်ကွယ်ခဲ့ရပြန်တယ်။ အပေါ်ဆုံးကလူက ပါးစပ်အမိန့်နဲ့ခိုင်းတာကို လိုက်လုပ်ကြရရင်း နောက်ဆုံး မိမိတို့ ကိုယ်ပိုင်အရည်အချင်းတွေ မရှိတော့ဘဲ ပြန်မပြောနားမထောင်၊ ခိုင်းတာသာ ဖြစ်အောင်လုပ်ဆိုတဲ့ အခြေအနေဖြစ်ခဲ့ရတာ ရာစုနှစ်ပေါင်းများစွာပါပဲ။ ပိုဆိုးခဲ့တာက အဂတိလိုက်စားမှု၊ လာဘ်ပေးလာဘ်ယူမှုကို အထက်အဆင့်ဆင့်ကစပြီး အောက်ခြေ၀န်ထမ်းများအထိ အကျင့်ပျက်သွားခဲ့အောင် အဲဒီအချိန်က စနစ်က ပုံသွင်းသွားခဲ့ပါတယ်။
ဒါကြောင့် ယခုလို ဒေါ်အောင်ဆန်းစုကြည် ခေါင်းဆောင်တဲ့ ခေတ်ပြောင်း၊ စနစ်ပြောင်းကာလမှာ နိုင်ငံသား ပြည်သူတွေဘက်ကလည်း ပြိုင်တူပါဝင် တွန်းရွှေ့ကြဖို့ အလွန်အရေးကြီးပါတယ်။ နေရာတကာ အစိုးရ လုပ်မပေးလို့၊ အစိုးရက တာဝန်မကျေလို့ဆိုတာထက် မိမိတို့နိုင်ငံသားတွေ ပြည်သူတွေဘက်ကလည်း စည်းကမ်း လိုက်နာမှုကစလို့ ကိုယ့်တာဝန် ကိုယ်ကျေပွန်အောင် လုပ်နိုင်ကြမယ်ဆိုရင် အချိန်တိုကာလအတွင်း တိုင်းပြည်ဟာ စီးပွားရေးဖွံ့ဖြိုးတိုးတက်ပြီး စည်းကမ်းစနစ်ကျတဲ့ နိုင်ငံတော်ဖြစ်လာမယ်” လို့ အကြံပြု ပြောဆိုသွားခဲ့ပါတယ်။
နိဂုံးချုပ်အားဖြင့် ယနေ့တိုင်းပြည်ရဲ့ ပြည်သူ့ဒီမိုကရေစီ အစိုးရသစ်လက်ထက် အသွင်ကူးပြောင်းရေးကာလမှာ ဘေးထိုင်ဘုပြော ဝေဖန်ရေးနဲ့ လေကန်ရေးတွေ ပြောနေကြမယ့်အစား အစိုးရနဲ့ပြည်သူ အတူလက်တွဲပြီး ပြိုင်တူတွန်းရွေ့ကြရမယ့် အချိန်သာဖြစ်ပါကြောင်း၊ နိုင်ငံသားပြည်သူတွေ အနေနဲ့ အစိုးရသစ်နဲ့အတူ တစ်ဦးချင်းစီက စလို့ မြန်မာ့လူ့အဖွဲ့ အစည်းကြီးတစ်ခုလုံး စည်းကမ်းပြည့်ဝစွာဖြင့် တရားဥပဒေစိုးမိုးရေးများကို လိုက်နာကျင့်သုံးကြလျက် ချီတက်ကြပါစို့လို့ တင်ပြရေးသားလိုက်ရပါတယ်။
ကျော်စွာမြင့် (၁၉၈၈-၁၉၉၂ ဗ.က.သ)
Category:
Articles
http://www.tomorrow.com.mm/?q=articles%2F3098
EmoticonEmoticon