လူသိနည်းသော အိမ်ဖြူတော်နှင့် ပတ်သက်သည့် အချက် ၁၀ ချက်
၁။ ပထမဆုံး နေထိုင်သူများ
အမေရိကန်နိုင်ငံ၏ ပထမဆုံးသော သမ္မတကြီး ဂျော့ခ်ျဝါရှင်တန်သည် အိမ်ဖြူတော်၌ ပထမဆုံး စတင်နေထိုင်သူ မဟုတ်ပေ။ ပထမဆုံး စတင်နေထိုင်ခဲ့သူမှာ သမ္မတ ဂျွန်အက်ဒမ်နှင့် သူ၏ဇနီး အက်ဘီဂေးလ် အက်ဒမ်တို့ ဖြစ်သည်။ သမ္မတကြီး ၀ါရှင်တန်က အိမ်ဖြူတော်၏ ဒီဇိုင်းပုံကို တွေ့မြင်ခဲ့သော်လည်း အိမ်ဖြူတော်က သေးငယ်လွန်းသည်ဟု ဆိုကာ မကြိုက်ပေ။ ၁၈၁၄ ခုနှစ်တွင် အင်္ဂလိပ်တပ်များက မူလ အိမ် ဖြူတော်ကို မီးရှို့ဖျက်ဆီးခဲ့သည်။ ၁၈၁၇ ခုနှစ်တွင်မူ အသစ်ပြန်လည် ဆောက်လုပ်ခဲ့ရပြီး သမ္မတမွန်ရိုးက အိမ်ဖြူတော်အသစ်သို့ ပြောင်းရွှေ့ နေထိုင်ခဲ့သည်။
၂။ လင်ကွန်းသရဲ
ဗြိတိန်ဝန်ကြီးချုပ် ၀င်စတန်ချာချီ အိမ်ဖြူတော်သို့ ရောက်ရှိစဉ်က အမေရိကန် သမ္မတ အေဘရာဟမ်လင်ကွန်း၏ အိပ်ခန်းဟောင်း၌ တည်းခိုခဲ့သည်။ သို့သော် တည်းခိုသည့်နေ့၌ပင် ချာချီသည် အိမ်ဖြူ တော်၌ ညပင်မအိပ်တော့ဘဲ အလောတကြီး ထွက်ခွာခဲ့သည်။ ချာချီနှင့် နီးစပ်သူများထံမှ ပြောပြချက်အရ ချာချီသည် ရေချိုးခန်းအတွင်း၌ ရေချိုးနေစဉ် လင်ကွန်းကို သရဲအဖြစ် မြင်တွေ့လိုက်သောကြောင့် အိမ်ဖြူတော်မှ ကတိုက်ကရိုက် ထွက်ခွာသွားခဲ့ခြင်းဖြစ်ကြောင်း သိရသည်။ ချာချီ နောက်တစ်ကြိမ် အလည်လာသည့်အခါတွင်မူ လင်ကွန်း အခန်း၌ အနားယူအိပ်စက်ရန် အပြင်းအထန် ငြင်းဆန်ခဲ့သည်။ လင်ကွန်း သရဲကို ချာချီတစ်ဦးတည်းသာ တွေ့ဖူးသည်မဟုတ် သမ္မတကတော် ဂရေ့စ်ခူးလက်ခ်ျနှင့် ရို့စဗက်၏အတွင်းရေးမှူး မယ်ရီအက်ဘန်တို့လည်း တွေ့ဖူးသည်။ မယ်ရီအက်ဘန်က ၄င်းအိပ်ပျော်နေစဉ် ခုတင်အနီး၌ လင်ကွန်းကို ရပ်လျက်အနေအထားဖြင့် တွေ့မြင်ခဲ့ဖူးသည်။
၃။ အိမ်ဖြူတော်တန်ဖိုး
အိမ်ဖြူတော်ကို ၁၇၉၂ ခုနှစ်တွင် ဆောက်လုပ်ခဲ့ပြီး သမ္မတ ဂျွန်အက်ဒမ်နှင့်ဇနီး အက်ဘီဂေးလ်တို့က ၁၈၀၀ ခုနှစ်တွင် အိမ်ဖြူတော်သို့ ပြောင်းရွှေ့ခဲ့သည်။ ထိုအချိန်အခါက အိမ်ဖြူတော်၏ တန်ဖိုးမှာ အမေရိကန်ဒေါ်လာ ၂၃၂၃၇၂ ရှိသည်။ ယနေ့အချိန်တွင်မူ အိမ်ဖြူ တော်ကို ရောင်းချပါက အိမ်ဖြူတော်၏ ပေါက်ဈေးမှာ အမေရိကန် ဒေါ်လာ ၃၂၀,၀၀၀,၀၀၀ ရှိသည်။ အိမ်ဖြူတော်တွင် ရုပ်ရှင်ရုံ၊ သွားဆေးခန်း၊ ဘိုးလင်း (Booling) ခန်းမ၊ ရေကူးကန်၊ တင်းနစ်ကွင်း၊ အိပ်ခန်း ၁၆ ခန်းနှင့် ရေချိုးခန်း ၃၅ ခန်းတို့ ပါဝင်သည်။
၎။ အတင်းကျပ်ဆုံး လုံခြုံရေး
အိမ်ဖြူတော်၌ တပ်ဆင်အသုံးပြုနေသော လုံခြုံရေးစနစ်များကို အထူးလျှို့ဝှက်ထားရှိသောကြောင့် ယနေ့တိုင် မည်သူမျှ အတိအကျ တပ်အပ်မပြောနိုင်ပေ။ လေ့လာသုံးသပ်သူများကမူ အိမ်ဖြူတော်အရှေ့ဘက် အဆောက်အအုံ၏ မြေအောက်တွင် ခြောက်ထပ်ရှိ မြေအောက်ဘန်ကာကြီး ရှိကြောင်း၊ အိမ်တော်၌ တပ်ဆင်ထားသော ပြတင်းပေါက်အားလုံး၌ ကျည်ကာမှန်များတပ်ဆင် အသုံးပြုထားကြောင်း သိရသည်။ ထို့အပြင် အိမ်ဖြူတော်တွင် နောက်ဆုံးပေါ် လေကြောင်းရန် ကာကွယ်ရေး စနစ်ကိုလည်း တပ်ဆင်ထားပြီး ခေါင်မိုးပေါ်တွင်လည်း လက်ဖြောင့်တပ်သားများသည် ၂၄ နာရီ လုံခြုံရေးယူထားသည်။ သမ္မတသွားရာနောက်သို့ လိုက်ပါစောင့် ကြပ်ရန်အတွက်လည်း အထူးလုံခြုံရေးတပ်ဖွဲ့ အများအပြားလည်း ရှိသည်။
၅။ လျှပ်စစ်ဓာတ်အားသုံး စနစ်တပ်ဆင်ခြင်း
၁၈၉၁ ခုနှစ်တွင် အိမ်ဖြူတော်၌ လျှပ်စစ်ဓာတ်အားသုံးစနစ်ကို စတင်တပ်ဆင်ခဲ့သည်။ သမ္မတဘန်ဂျမင်ဟယ်ရီဆင်နှင့် သူ၏ဇနီး ကာရိုလိုင်းတို့သည် လျှပ်စစ်အန္တရယ်ကို လွန်စွာကြောက်ရွံ့သောကြောင့် လျှပ်စစ်ပစ္စည်းများကို ၄င်းတို့ကိုယ်တိုင် အဖွင့်အပိတ်မလုပ်ဘဲ ၀န်ထမ်းများသာ ခိုင်းလေ့ရှိသည်။ သမ္မတလိုင်ဒန်ဘီဂျက်ဆင်ကမူ ၄င်းလက်ထက်တွင် ပြည်သူ့ဘဏ္ဍာကို မဖြုန်းတီးလိုဟုဆိုကာ အိမ်ဖြူတော်၌ လျှပ်စစ်ဓာတ်အား အသုံးမပြုပေ။
၆။ ၀ါယာရှော့မှ မီးလောင်ခြင်း
၁၉၂၉ ခုနှစ် ဒီဇင်ဘာ ၂၄ ရက်နေ့တွင် အိမ်ဖြူတော်အနောက်ဘက် အဆောက်အအုံ၌ ၀ါယာရှော့ဖြစ်ရာမှ မီးလောင်ကျွမ်းမှု ဖြစ်ပွားခဲ့သည်။ အဆောက်အအုံထပ်ခိုးမှ စတင်လောင်ကျွမ်းခဲ့ခြင်းဖြစ်ပြီး ထို အချိန်တွင် အောက်ထပ်၌ ခရစ်စမတ်ပါတီပွဲ ကျင်းပနေချိန် ဖြစ်သည်။ မီးလောင်နေမှုကို ၀န်ထမ်းတစ်ဦးက တွေ့ရှိခဲ့ပြီး သမ္မတနှင့် အခြားဝန်ထမ်းများကို အချိန်မီသတိပေးသောကြောင့် အရေးကြီးစာရွက်စာတမ်းများ၊ သမ္မတအသုံးအဆောင်များကို ဘေးလွတ်ရာသို့ ရွှေ့ထုတ်နိုင်ခဲ့သည်။ အဆိုပါ မီးလောင်ကျွမ်းမှုကြောင့် အိမ်ဖြူတော်၏ သတင်းမီဒီယာ အခန်းတစ်ခုသာလျှင် အလုံးစုံပျက်စီးဆုံးရှုံးခဲ့ပြီး အခြားအခန်းများမှာ မီးခိုးနှင့် ရေများကြောင့် အနည်းငယ် ထိခိုက်ပျက်စီးခဲ့သည်။
၇။ လျှို့ဝှက်လိုဏ်ခေါင်းများ
အိမ်ဖြူတော် အရှေ့ဘက် အဆောက်အအုံအောက်တွင် ခြောက်ထပ်ရှိ ဘန်ကာကြီးရှိသည့်အပြင် အိမ်ဖြူတော်အောက်တွင်လည်း လျှို့ ၀ှက် ဥမင်လိုဏ်ခေါင်းများရှိသည်။ သမ္မတရုံးခန်းမှတစ်ဆင့် လုံခြုံစိတ်ချ ရသော မြေအောက်ဘန်ကာအတွင်းသို့ ဆင်းသည့် လျှို့ဝှက်တံခါးပေါက်များလည်း ရှိသည်ဟု အချို့သူများက သုံးသပ်ထားသည်။ တိကျခိုင်မာသော အချက်တစ်ခုမှာမူ ပုလဲဆိပ်ကမ်း တိုက်ခိုက်ခံရပြီးနောက် အမေရိကန်သမ္မတ ဖရန့်ကလင်ဒီရို့စဗက်အတွက် ဗုံးဒဏ်ခံနိုင်သော မြေအောက် ဘန်ကာတစ်လုံး ဆောက်လုပ်ခဲ့ခြင်းပင် ဖြစ်သည်။ ထို့အပြင် သမ္မတအိမ်တော်မှ အမေရိကန် ဘဏ္ဍာရေးဝန်ကြီးဌာနသို့ တိုက်ရိုက် ဆက်သွယ်ထားသော မြေအောက်လမ်းလည်း ရှိသည်။
၈။ အိမ်ဖြူတော် ဆောက်လုပ်ရေး ဒီဇိုင်းပြဿနာ
ဗိသုကာပညာရှင် ချားစ်အယ်လ်အန်းဖန့်သည် အိမ်ဖြူတော်ဒီဇိုင်းကို ပြင်သစ်နန်းတော်ကို အခြေခံ၍ ရေးဆွဲခဲ့သည်။ သို့သော် သမ္မတကြီး ဂျော့ခ်ျဝါရှင်တန်က အန်းဖန့်၏ ဒီဇိုင်းကို ပယ်ချခဲ့ပြီး ၄င်း၏နေရာတွင် ဂျိမ်းစ်ဟိုပန်ကို ခန့်အပ်ကာ ဟိုပန်၏ ဒီဇိုင်းအတိုင်းဆောက်လုပ်ခဲ့သည်။ ဟိုပန်၏ဒီဇိုင်းမှာ အန်းဖန့်၏ဒီဇိုင်းထက် ငါးဆပိုမိုသေးငယ်သော်လည်း ထိုခေတ်ထိုအခါက အမေရိကန်၌ အကြီးဆုံးဖြစ်ခဲ့သည်။
၉။ ဂျွန်ဆင်၏ ရေချိုးခန်းဒီဇိုင်း
သမ္မတ လိုင်ဒန်ဘီဂျွန်ဆင်သည် ၄င်းလက်ထက်တွင် အိမ်ဖြူတော်ရှိ ရေချိုးခန်းကို ၄င်းစိတ်တိုင်းကျသည်အထိ ဗိသုကာပညာရှင်တစ်ဦးအား ပြင်ဆင်စေခဲ့သည်။ ဗိသုကာပညာရှင်မှာ ဂျွန်ဆင်သတ်မှတ်ထားသော စံချိန်စံညွှန်းများနှင့် ဒီဇိုင်းရရန် အချိန် ငါးနှစ်ကြာအောင် ဆောက်လုပ်ခဲ့ရပြီး ဆောက်လုပ်စဉ်ကာလအတွင်း၌လည်း ဖိအားများလွန်းသောကြောင့် စိတ်ကျန်းမာရေးဆေးရုံသို့ တက်ရောက်ကုသခဲ့ရသည်။
၁၀။ အမြွှာအိမ်တော်
လန်စတာအိမ်ကို ၁၇၄၅-၁၇၄၇ ခုနှစ် ကြား၌ အိုင်ယာလန်နိုင်ငံတွင် ဆောက်လုပ်ခဲ့သည်။ အဆိုပါအိမ်ကို အိမ်ဖြူတော်ငယ်ဟုလည်း ခေါ်ဆိုကြသည်။ သမိုင်းသုတေသီများက အမေရိကန်အိမ်ဖြူတော်ဒီဇိုင်း ရေးဆွဲခဲ့ သော ဂျိမ်းစ်ဟိုပန်သည် လန်စတာအိမ်ကို တွေ့မြင်ခဲ့ပြီး အဆိုပါအိမ်ကိုအခြေခံ၍ အိမ်ဖြူတော်ဒီဇိုင်း ရေးဆွဲခဲ့ဖွယ် ဖြစ်နိုင်ကြောင်း သုံးသပ်ထားသည်။ ဂျိမ်းစ်ဟိုပန်သည် အိုင်ယာလန်နိုင်ငံသား ဖြစ်သည်။
Category:
World
http://www.tomorrow.com.mm/?q=articles%2F3090
EmoticonEmoticon