ရခိုင် - မြန်မာ ပဏ္ဍိတ် ဦးဦးသာထွန်း (၁၉၁၇ - ၁၉၉၀) ၏ သမိုင်းအကျဉ်း

        (14/08/2018)

(၂၀၁၈) ခုနှစ်၊ ဩဂတ်(စ်) လ (၁၄) ရက်နေ့ သည် ရခိုင် - မြန်မာပဏ္ဍိတ် ဦးဦးသာထွန်း  စစ်တွေ အကျဉ်းထောင်၌ လုပ်ကြံသတ်ဖြတ်ခံခဲ့ရသော (၂၈) နှစ်မြောက် ဝမ်းနည်း အောက်မေ့ဖွယ် နေ့ဖြစ်သည်။

          ဦးဦးသာထွန်းကို ရခိုင်ပြည်၊ မြောက်ဦးမြို့ ညောင်ပင်ဈေးရပ်ကွက်၌ ဖခင် ဦးကောင်းစံရွှီ၊ မိခင် ဒေါ်အောင်ကြွဇံတို့မှ (၁၉၁၇) ခုနှစ် နိုဝင်ဘာလ (၂၃) ရက် သောကြာ နေ့တွင် ဖွားမြင်ခဲ့သည်။

 တဦးတည်း သော သားလည်းဖြစ်သည်။ ငယ်စဉ်မှစ၍ အဖိုးဖြစ်သူ ရာဇဝင် ဆရာကြီး ဦးသာထွန်းအောင်က ရခိုင်ရာဇဝင် ဆေးကျမ်း၊ နက္ခတ်ကျမ်း၊ ပူရာဏ်ကျမ်းများကို နှုတ် တိုက်အာဂုံ သင်ကြားပေးခဲ့သည်။ နဝမတန်းတွင် ပညာ သင်ကြားနေစဉ် ဖခင် ကွယ်လွန်သွားသဖြင့် ကျောင်း မှ ထွက်လိုက်ရပြီး သက္ကဋ၊ ပါဠိ၊ သမိုင်း၊ အင်း၊ ဗေဒင်နှင့် အခြားလောကီ ပညာရပ်များကို သင်ကြားလေ့လာ ဆည်းပူးခဲ့သည်။

          (၁၉၅၀) ခုနှစ်မှ (၁၉၅၅) ခုနှစ်ထိ မူလတန်း ကျောင်းဆရာအဖြစ် ဝင်ရောက်လုပ်ကိုင်ခဲ့သည်။ (၁၉၅ ၅) ခုနှစ်မှ (၁၉၇၇) ခုနှစ်ထိ မြောက်ဦးမြို့ရှေ့ဟောင်း သုတေသန ဌာနခွဲတွင် ရခိုင် - မြန်မာ ပဏ္ဍိတ် အဖြစ် တာဝန် ထမ်းဆောင်ခဲ့သည်။

(၁၉၇၇) ခုနှစ်မှ (၁၉၈၃) ခုနှစ်ထိ မြောက်ဦး မြို့ ရှေးဟောင်းသုတေသနဌာနခွဲတွင် အကြံပေးအဖြစ် ဆက်လက်တာဝန်ထမ်းဆောင်ခဲ့သည်။

          (၁၉၈၀) ခုနှစ်မှ (၁၉၈၃) ခုနှစ်ထိ ရခိုင် ဝေသာလီမြို့ဟောင်း တူးဖော်မှုလုပ်ငန်းတွင် ကိုယ် တိုင်ကိုယ်ကျ ပါဝင်ဆောင်ရွက်ခဲ့သည်။ ယခုလက်ရှိ မြောက်ဦးမြို့ ရှေးဟောင်း သုတေသနပြတိုက်ကြီးမှာ ဆရာကြီး စုဆောင်း၊ တည်ဆောက်ခဲ့သော ပြတိုက်ကြီး ဖြစ်သည်။

          မြောက်ဦးမြို့ ဘုရားသမိုင်း (၁၃၀၁ ခုနှစ်ပုံ နှိပ်)၊ ဦးရာဇ်တောင် ဘုရားသမိုင်း (ပုံနှိပ်)၊ မြောက်ဦး မြို့ ဘုရားသမိုင်းကျမ်း ပြင်ဆင်၊ ဖြည့်စွက်ချက် (ပုံနှိပ်)၊ (၁၉၅၂-၅၃)  ရက္ခိုင်အမျိုးသမီးသူရဲကောင်း အတ္ထုပ္ပတ္တိ (၁၉၅၃-၅၄) (ပုံနှိပ်)၊ ရက္ခိုင်ရာဇဝင် သင်္ခေပကျမ်း (၁၉၅၄-၅၅) (ပုံနှိပ်)၊ ဝသဲဘုရားသမိုင်း (ပုံနှိပ်)၊ ရှင်သတ်ဘုရားသမိုင်း (ပုံနှိပ်) တို့ကို ပုံနှိပ်ထုတ်ဝေခဲ့ သည်။

          ရက္ခိုင်ကဗျာပေါင်းချုပ်၊ ရက္ခိုင်ရာဇဝင် လင်္ကာ ဘာသာပြန်၊ ရက္ခိုင် ဒင်္ဂါးများ (ဘာသာပြန်)၊ ရခိုင်ပြည် ဓာတ်တော် ဘုရားစေတီများနှင့်  မြောက်ဦးမြို့ တန်ခိုး ကြီးဘုရားများ သမိုင်းကျမ်းစာများကို  ရေးသားပြုစုပြီး ဘဏ္ဍာရေးဝန်ကြီး ဆာထွန်းအောင်ကျော်သို့ ပေးအပ် ခဲ့သည်ဟု သိရပါသည်။

          အံတော်ဘုရား သမိုင်းကျမ်း၊ သဲတက် ဘုရား သမိုင်းကျမ်း၊ ထီးတော်မိုး ဘုရားသမိုင်းကျမ်း၊  ဘောင်း ဒွတ်နတ်တောင် ဘုရားသမိုင်းကျမ်း၊  ဝေသာလီ ဘုရား ကြီး သမိုင်းကျမ်း၊ သိမ်တော်ကြီး ဘုရားသမိုင်းကျမ်း၊ မဟာထီးဘုရား သမိုင်းကျမ်း၊ ပါးတော် ဘုရားသမိုင်း ကျမ်း၊ သျှစ်သောင်း ဘုရား သမိုင်းကျမ်း၊  မင်္ဂလာဓာတ် ရွှေကူဘုရားသမိုင်းကျမ်း တို့ကို လင်္ကာ၊ စကားပြေ၊ မော်ကွန်း စသည်တို့ဖြင့် ရေးသား ထုတ်ဝေခဲ့သည်။

          ဓညဝတီ မဂ္ဂဇင်းတွင် စာတည်း အဖြစ် တာဝန် ယူခဲ့သည်။ ဓညဝတီစာစောင်၊ ဓညဝတီ မဂ္ဂဇင်း၊ ရခိုင်တန်းဆောင် မဂ္ဂဇင်း၊ မန္တလေး ပြည်သူ့ ဂျာနယ်၊ ရန်ကုန် မဂ္ဂဇင်း၊ စုံထောက် မဂ္ဂဇင်း၊ ယဉ်ကျေးမှု စာစောင်၊  ရခိုင် မဂ္ဂဇင်း၊ စစ်တွေ ကောလိပ် မဂ္ဂဇင်း၊ ရခိုင်ပြည်နယ် စာစောင်၊ ဝရာဇ်မြေ မဂ္ဂဇင်း တို့တွင် ဦးဦးသာထွန်း၊ ဦးသူရိန် စသည့် ကလောင်နာမည်များ ဖြင့် ဆောင်းပါးများ ရေးသားခဲ့သည်။ ထို့အပြင် ဆရာ ကြီးမှာ ရခိုင်သမိုင်းဆိုင်ရာနှင့် ပတ်သက်ပြီး စာအုပ် ပေါင်း မြောက်မြားစွာကို  ရေးသားထုတ်ဝေခဲ့သည်။

  နိုင်ငံခြား သမိုင်းပညာရှင် သုတေသီများနှင့် အတူ ရခိုင်သမိုင်းဆိုင်ရာ စာအုပ်၊ ရခိုင်ဝတ္ထုစာအုပ်၊  ရခိုင်ကဗျာများ စာအုပ်များကိုလည်း ထုတ်ဝေပြုစုရေး သားခဲ့သည်။

          (၁၉၅၉) ခုနှစ်တွင် ရေဒီယိုမှ ရခိုင့်အသံကို  စတင်ထုတ်လွှင့်ခဲ့သည်။ ရခိုင်ယဉ်ကျေးမှု၊ ရခိုင်သမိုင်း၊ ရခိုင်စာပေ၊  ရခိုင်ရိုးရာထုံးတမ်းစဉ်လာများကိုလည်း ကမ္ဘာသိအောင် ရှာဖွေစုဆောင်း ထုတ်ဝေခဲ့သည်။

          ဆရာကြီးသည် ဒီမိုကရေစီရရှိရေး၊ အမျိုးသား တန်းတူရေးအတွက် ရခိုင်ဒီမိုကရေစီအဖွဲ့ချုပ် (ALD) တွင် နာယကအဖြစ် ထမ်းဆောင်ခဲ့သည်။ ရခိုင်ပြည် အနယ်အနယ် အရပ်ရပ်သို့ မဲဆွယ်တရားဟော ထွက် စဉ် မင်းပြားမြို့နယ်၊ ပြားချောင်းကျေးရွာ မဲဆွယ်တရား ဟောပွဲတွင် ဖမ်းဆီးခံရပြီး ထောင်သွင်း အကျဉ်းချခံခဲ့ ရသည်။ 

          ဆရာကြီးအား အမျိုးသားရေး တရားဟော သည် စသည်ဖြင့် အမျိုးမျိုးစွဲချက်တင်ပြီး ဖမ်းဆီးခဲ့ခြင်း ဖြစ်သည်။ မဆလ စစ်အစိုးရ၏ တိုင်းပြည်အပေါ် မတ ရားစော်ကားမှုများကို ဆရာကြီး၏ အချက်ကျကျဝေဖန် ဟောပြောမှုများကြောင့် မဆလ စစ်ဝါဒီများ ဗမာလူမျိုး ကြီးဝါဒီများက အနာပေါ် ဒုတ်ကျသကဲ့သို့ မခံမရပ်နိုင် ဖြစ်ခဲ့ကြရသည်။

          ယင်းကြောင့် ဆရာကြီးအား၊ အငြိုးထားကာ မတရားဖမ်းဆီးခဲ့ခြင်းဖြစ်ပြီး ထောင်ဒဏ် (၃) နှစ်အပြစ် ပေးကာ စစ်တွေထောင်တွင် ချထားခဲ့သည်။ ထောင်ကျ ပြီး (၅) လအကြာ (၁၉၉၀) ဩဂတ်(စ်) (၁၄) ရက်နေ့ တွင် ကွယ်လွန်ခဲ့သည်။

ထောင်ထဲတွင် စစ်ဝါဒီများက ဆရာကြီးအား ထမင်း ကျွေးရာတွင် စိန်အစရှိသော အဆိပ်ပါသည့် အစားအစာများအား နေ့တိုင်းလိုလို အနည်းငယ်မျှ ထည့်ကျွေးကာ လုပ်ကြံခဲ့သည်ဟု ရခိုင်အမျိုးသား အားလုံးက ယုံကြည်နေကြသည်။

          သို့သော် စစ်အုပ်စု၊ စစ်ဝါဒီများက ဆရာကြီး သည် ဦးခေါင်းတွင်သွေး မတိတ်သည့် ရောဂါ (Cere-bral Haemorrhage) ဖြင့်  သေဆုံးခဲ့ရခြင်း ဖြစ် ကြောင်း THE TRUTH အမည်ရှိဆောင်းပါးကို လုပ်ကြံ ဖန်တီး ရေးသားခဲ့သည်။

          ဆရာကြီး ဦးဦးသာထွန်း၏ ရုပ်အလောင်းကို သူ၏ဇာတိ မွေးရပ်မြေ မြောက်ဦးမြို့သို့ ယူဆောင်လာ ပြီး သူအလွန်တန်ဖိုးထားသော ရန်အောင်ဇေယျ (ခေါ်) သျှစ်သောင်း ပုထိုးတော်ကြီး၏  ဘုရားရိပ်တွင်မြေမြှုတ် သင်္ဂြိုဟ်ခဲ့သည်။

စာရေးသူ၏အမြင်….

မြန်မာနိုင်ငံရှိ တိုင်းရင်းသားလူမျိုးအသီးသီးတို့သည် ပြည်ထောင်စု တိုင်းရင်းသား များ မြန်မာပြည် လွတ်လပ်ရေး တောင်းဆိုကြသောအခါ တိုင်းရင်းသားလူမျိုးများက ပိုပြီး စိတ်အားထက်သန်စွာ အသက်ပေးတိုက်ပွဲ ၀င်ခဲ့ကြသည်။ ထိုတိုင်ရင်းသား လူမျိုးထဲတွင် ရခိုင်လူမျိုးများလည်း ပါဝင်ခဲ့သည်။ လွတ်လပ်ရေးရသည့်အချိန်တွင် ရခိုင်လူမျိုးများလည်း ကျန်တိုင်းရင်းသားများနဲ့ တန်းတူ ပြည်နယ်  တောင်းဆို ခဲ့ပါသည်။ သို့သော် ရခိုင်ကို ပြည်နယ်မပေးခဲ့ပါ။

ရှမ်း၊ ကချင်၊  ကရင်တို့ က ပြည်နယ် ခဲ့သည်။ မဆလ အစိုးရတက်လာသောအခါ ရခိုင်ပြည်ကို ပြည်နယ်ပေးအပ်ခဲ့ပါသည်။ သို့သော် တိုင်းနှင့်ပြည်နယ် (၁၄)ခုတွင် ရခိုင်ကပြည်နယ် အလွန်နိမ့်ကျ ဆင်းရဲသော ပြည်နယ် ဖြစ်သည်။ နဝတ/ နအဖ စစ်ဝါဒီများသည် တိုင်းရင်းသားများ မတရား နှိပ်စက် ရက်စက်စွာ သတ်ဖြတ်ခဲ့ခြင်းများကိုလည်း တိုင်းရင်းသား ဒေသ အသီးသီး တို့တွင် တွေ့ရပါသည်။

လူမျိုးကြီးဝါဒီ တိုင်းရင်းသားများအနိုင်ကျင့် ဗိုလ်ကျမှု မတော် မတရားသတ်ဖြတ်မှု၊ ဖမ်းဆီးထိန်းသိမ်းမှု၊ လက်နက်ကိုင်ပြီး ရမ်းကားမှု၊ ဖိနှိပ် ချုပ်ချယ်မှုတို့ကို နဝတ/ နအဖ စစ်ဝါဒီများ လက်ထက်တွင် တိုင်းရင်းသား လူမျိုးများ အသက်ပေါင်းများစွာ ပေးဆပ်ခဲ့ရသည်။ 

ဤအထဲတွင် ရခိုင် - မြန်မာ ပဏ္ဍိတ် ဆရာကြီး ဦးဦးသာထွန်း တစ်ယောက်လည်း နဝတ/ နအဖ စစ်ဝါဒီများ၏ မတရားဖမ်းဆီး ခံခဲ့ပြီး ထောင်အတွင်း လုပ်ကြံသတ်ဖြတ်ခြင်းကို ခံခဲ့ရခြင်းပင် ဖြစ်ပါသည်။

ထက်မြတ်ခိုင် (ဘူးသီးတောင်)

(၁၃) သြဂတ်(စ်) မမေ့အပ် (သို့မဟုတ်) သွေးချောင်းစီးသောနေ့ရက် မမေ့အပ်

(13/08/2018)

(၂၀၁၈) ခုနှစ် သြဂတ်(စ်)လ (၁၃) ရက်နေ့သည် စစ်တွေမြို့ ဆန်ပြဿနာကြောင့် ရခိုင်ပြည်သူလူထု (၃၀၀)ကျော် အသတ်ခံခဲ့ရသော (၅၁) နှစ်ပြည့်နေ့ပင် ဖြစ်ပေသည်။

စစ်အာဏာရှင် ဗိုလ်နေဝင်း အစိုးရလက်ထက် မဆလ တစ်ပါတီအာဏာရှင်စနစ်ဖြင့် တိုင်းပြည်အားဓါးမိုး အုပ် ချုပ်နေချိန် (၁၉၆၇) ခုနှစ်တွင် မြန်မာနိုင်ငံ၌ ဆန်ပြဿ နာ အကြီးအကျယ်ဖြစ်ပွါးခဲ့သည်။

 (၁၉၆၆) ခုနှစ် စိုက်ပျိုးရာသီတုန်းက ရာသီဥတုဖေါက် ပြန်ခဲ့သောကြောင့် ဗမာပြည်တွင်စိုက်ပျိုးဧက(၁၁) သိန်း ကျော် ပျက်စီးခဲ့ရပြီး စပါးတင်းသိန်းပေါင်း (၅၀၀) ကျော် ပျက်စီးခဲ့ရသည်။သို့သော် ဗိုလ်နေဝင်းအစိုးရသည် ပြည် တွင်းစားသုံးမှုကို အလေးမထားဘဲ ဆန်ပြတ်လတ်မှု ဖြစ်မည်ကို သိသိကြီးနှင့် နိုင်ငံခြားဝင်ငွေရရှိရေး အတွ က် ဆန်တန်ချိန် (၁.၁) သန်းကျော်တင်ပို့ရောင်းချခဲ့သ ည်။ ထို့ပြင်အစိုးရက ဆန်ကိုလွတ်လပ်စွာ ရောင်းဝယ် ခွင့်မပေးဘဲ တင်းတင်းကျပ်ကျပ် ချုပ်ကိုင်ထားသည် အတွက် ဆန်ရှားပါးမှု ပြဿနာပိုမိုကြီးထွားလာခဲ့သည်။

“ဘားဘူဟိယင့် ဆန်ရှိယင့်၊ ဒိုင်းကျီဟိယင့် ရေရှိယင့်” ဟူ၍ ရခိုင်ပြည်၏ ဆန်၊ ရေ၊ စပါးပေါများပုံများအား စာဖွဲ့ မှတ်တမ်းတင်ခဲ့သည်။ ရခိုင်ပြည်တွင် ဆန်ရှား၍ အငတ် ဘေးနှင့် ကြုံတွေ့ခဲ့ရသည်ဟု သမိုင်းတလျှောက် မည် သည့်အခါတွင်မှ မတွေ့ဖူး၊ မကြားခဲ့ရဖူးချေ။ နေဝင်း စစ် အုပ်စုလက်ထက် (၁၉၆၇) ခုနှစ်တွင် ရခိုင်ပြည်သူ၊ ပြည် သားများ ပထမဦးဆုံးသော ကြုံတွေ့ခဲ့ရသော အငတ် ဘေးဖြစ်သည်။ ဆန်ရှားပါးမှုကြောင့် ငွေကြေးတတ်နိုင် သူများတောင် ဆန်ကိုဝယ်မရဖြစ်ကြရသည်။

ဆန်ရှား ပါးမှုကြောင့် ပြိန်းဥနှင့် ချဉ်ပေါင် ကြိုသောက်ရသည်။ အ ကျိုးဆက်အဖြစ် ဝမ်းလျောကာသေသူများသတင်း၊ ရှက် ၍ အဆိပ်သောက် သတ်သေသူများသတင်းကို ရခိုင် ပြည်အနှံ မကြားချင် အဆုံးကြားနေကြရသည်။ စစ်တွေ မြို့လမ်းကြိုလမ်းကြားများတွင်“ထမင်းကျန်ပေးပါ၊ ဟင်း ကျန်ပေးပါ”ဟု တစာစာနှင့် လိုက်လံ တောင်းစားနေကြ သူများကို နေ့တိုင်းလိုလို တွေ့မြင်နေရသည်။ ရင်ခွင်ထဲ တွင်လည်း နို့စို့အရွယ်ကလေးငယ်များကို ချီပွေ့ထားကြ သည်။ ဤကဲ့သို့ မြင်ကွင်းအားရခိုင်ပြည်တွင် မည်သည့် အချိန်အခါမျှမတွေ့မမြင်ခဲ့ရချေ။ မြင်ရသူအပေါင်း ကြေ ကွဲဝမ်းနည်းစရာမြင်ကွင်းဖြစ်သည်။  မိန်းမပျို၊ လူပျိုများ သည်ပင် တောင်းရမ်းစားသောက်ရသည့် အဖြစ် ဖြစ် သည်။ ဆန်ရှားပါးမှုကြောင့်ကျေးလက်များတွင် ချမ်းသာ သော အိမ်များကိုဝင်ပြီး ဆန်လုသည့်အဖြစ်များ ဖြစ်ပွါး လျက်ရှိသည်။ ဗမာအစိုးရသည် ရခိုင်ပြည်သူလူထု ရင် ဆိုင်နေရ သည့် အငတ်ဘေးအား ဖြေရှင်းပေးခြင်းမရှိဘဲ ရခိုင်အချင်းချင်းသတ်ဖြတ်ခြင်းကို အသာတကြည်စောင့် ကြည့်လျက်ရှိသည်။ “ယာလည်း ညက်စေ၊ ကြက်လည်း မောစေ”ဆိုသည့်မူကို လက်ကိုင်ပြုထားသော နေဝင်း  အစိုးရသည် ဆန်လုပွဲ အဖြစ်အပျက်များအား ဥပက္ခာပြု ထားခဲ့သည်။

(၁၉၆၇) သြဂတ်(စ်)လ(၁၁)ရက်နေ့တွင် ခရိုင်လုံခြုံရေး နှင့် အုပ်ချုပ်ရေးကော်မတီ (ခ၊ လ၊ က) ရုံးရှေ့တွင် ဆန် ပြဿနာဖြေရှင်းပေးရေးကိုတောင်းဆိုဆန္ဒပြခဲ့ကြသည်။ ညနေစောင်းလာချိန်တွင် (ခ၊ လ၊ က)မှ တာဝန်ရှိသူ များက အိမ်ပြန်ကြတော့ဟု ပြောသောကြောင့် ဆန္ဒပြ သူများမှာ အိမ်ပြန်ကြရသည်။  နောက်တနေ့ ဩဂတ် (စ်) (၁၂) ရက်နေ့တွင် ခရိုင်လုံခြုံရေးနှင့်  အုပ်ချုပ်ရေး ကော်မတီ (ခ၊ လ၊ က)ရုံးတွင် ဆန်ပြဿနာနှင့် ပတ် သက်၍ မြို့မိ၊ မြို့ဖများကို အစည်းအဝေးကျင်းပလျက် ရှိသည်။ ထိုအစည်းအဝေးတွင် လူတစ်ယောက်ကို တစ် လလျှင် ဆန်နို့ဆီဗူး  (၁၄)ဗူးသာ ရောင်းချမည်ဟု ပြော သည်။ လူတစ်ယောက်သည်မနက်တဗူး၊ ညတဗူး တနေ့ အနည်းဆုံး(၂)ဗူး တစ်လလျှင်  အနည်းဆုံး ဆန်နို့ဆီဗူး (၆၀) ဗူးလိုအပ်သည်။ ဆန်ဂိုဒေါင်များတွင် ဆန်များ အ ပြည့်ရှိပြီး  နိုင်ငံခြားသို့တင်ပို့ ရောင်းချသည်။ ဤသို့ဆိုပါ က ငတ်၍ သေရန်သာကျန်တော့သည်။ ဆန်လုံးဝမရှိ၍ ငတ်၍ သေရမည်ဆိုလျှင် ဟုတ်သေးသည်။ ဆန်ဂိုဒေါင် များတွင် ဆန်များအပြည့် ရှိနေပါလျှက် ရခိုင်ပြည်သူများ ၏ အငတ်ဘေးကို ဗမာစစ်အစိုးရ အဘယ်ကြောင့် မဖြေ ရှင်းပေးပါသနည်း။

(၁၃)ရက်နေ့လည် (၁) နာရီခန့်တွင် ဆန္ဒပြရန် ပြင်ဆင်ကြသည်။ “နှာခေါင်းပိုင်း နေဝင်းအစိုး ရ … အလိုမရှိ။” “မဆလအစိုးရ … အလိုမရှိ။”  “ဆန်ပြ ဿနာ … ဖြေရှင်းပါ။” “ရခိုင့်အရေးတော်ပုံ … အောင်ရ မည်။” ကြွေးကြော်သံများဖြင့် စတင်ကာ ဆန္ဒပြခဲ့ကြ သည်။ ထိုအချိန်တွင်ဗိုလ်မှူးစောဖြူရောက်ရှိလာပြီး ဆန္ဒ ပြ လူအုပ်ထဲမှတဦး ထွက်လာပါဟု ခေါ်ယူလိုက်သည်။ ရှေ့ဆုံးတန်းမှ တဦးထွက်သွားပြီး ဗိုလ်မှူးစောဖြူဆီသို့ သွားခဲ့သည်။ ဗိုလ်မှူးစောဖြူသည် ထိုသူအားစာရွက် တ ရွက်ပေးအပ်လိုက်သည်။ ထိုစာရွက်သည် ပုဒ်မ(၁၄၄) ပင်ဖြစ်သည်။ ပုဒ်မ(၁၄၄) ဆိုသည်မှာ ညမထွက်ရ၊ လူ (၅) ဦးထက်ပိုမစုရ အမိန့်ဖြစ်သည်။ ထိုအမိန့်စာအား ဖတ်ပြနေစဉ်မှာပင် ဆန္ဒပြလူအုပ်သည် ရှေ့သို့တဖြည်း ဖြည်း ပို၍ ဖိ၍ သိပ်သည်းလာနေသည်။ ထိုအခါ ဗိုလ်မှူး စောဖြူက“ရဲဘော်တို့ရဲဘော်တို့တောင်းဆိုသော ဆန်ဗူး (၆၀) ကို ပေးမည်ဟု ကတိပေးသည်။ လူအုပ်က ရှေ့သို့ တရွေ့ရွေ့တိုးဝှေ့လာပြီး ငပိသိပ်၊ ငချဉ်သိပ်သလို သိပ် သည်း လာခဲ့သည်။

 စစ်သားများက ကာဆီးထားသော သံဆူးကြိုးများကို ဘယ်ညာ တစ်ခုစီခွဲ၍ဖယ်ရှားလိုက် ကြသည် “ပုဒ်မ (၁၄၄) ကိုရုတ်သိမ်းလိုက်ပြီ” ဆိုသော အမိန့်ကိုလည်းမကြားလိုက်ရ။ သံဆူးကြိုးများကို ဖယ် ရှားလိုက်သောကြောင့် အကန့်အသတ်မရှိ စည်းလွတ် ကမ်းလွတ် ဖြစ်သွားပြီး လူအုပ်သည် ပြေးတက်သွားသ လိုဖြစ် သွားခဲ့သည်။ ထိုအချိန်တွင်စစ်တပ်မှစည်း (၃) တန် သတ်မှတ်ထားသောနေရာ  အမှတ်အသားကို မ ရောက်ခင်မှာပင် သေနတ်သံသည် မိုးယံသို့လျှံထွက် သွားခဲ့သည်။ ထို့ နောက် အဆက်မပြတ် ထွက်ပေါ်လာ သောသေနတ်သံ ဆန္ဒပြသူများထဲတွင် ကျည်ထိမှန်၍ လဲကျသူ လဲကျ ကစဉ်ကလျား ထွက်ပြေးသူပြေးဖြင့် အခြေအနေ တရပ်လုံးသည် ရုတ်ခြည်း ပြောင်းလဲသွားခဲ့ သည်။ အူအပွတ်လိုက် ထွက်နေသည်ကို လက်နှင့်ဖုံး အုပ်ကာ ဝေဒနာခံစားနေရသူများ၊ မျက်လုံးမှိတုတ် မှိတ် တုတ်ဖြင့် ပက်လက်လန်နေသူများ၊ မြေကြီးပေါ်တွင်ဝပ် နေရာမှ ကုန်ရုန်း ပြေးသူများကိုတွေ့ရသည်။ ထွက်ပြေး သူများသည် ဆန်စက် အနီးမှစီးဆင်းလျက်ရှိသော ဆတ်ရိုးကျချောင်း ကိုဖြတ်၍ ကမ်းတဖက်သို့ထွက်ပြေး ရန် ရေထဲသို့ ခုန်ဆင်းကြသည်။ ထိုသို့ထွက်ပြေးနေသူ များကိုပင် စစ်သားများသည် အလွတ်လုံးဝမပေးချေ။ တံတားအနီး အုတ်ခံပေါ်မှနေ၍ ချောင်းတွင်ကူးခတ်နေ သူများအား စိတ်ရှိ လက်ရှိ လူများအား တိရိစ္ဆာန်များ သ ဖွယ်ပစ်သတ်နေကြသည်။

 ဆတ်ရိုးကျ ချောင်းရေသည် သွေးများရဲရဲဖြင့် သွေးချောင်းဖြစ်သွားခဲ့ရသည်။ ဩဂတ် (စ်)လ (၁၃)ရက်နေ့သည် ဗုဒ္ဓဘာသာဝင်တို့ အထွဋ်အ မြတ်ထားရာ ဥပုပ်နေ့ဖြစ်သည်။ သက်ကြီး ရွယ်အိုများ သည် ဆန်ရှားပါမှု၏ ဒုက္ခများကိုပြေပျောက်စေရန် ဗုဒ္ဓ တရား တော်အား နာကြားရန်အတွက် အတုလမာရဇိန် ပြည်လုံး ချမ်းသာဘုရားကြီးတွင် ဥပုပ်ဆောက်တည်ကာ တရားတော်အား နာကြား၍မပြီးဆုံးမှီ ကြားလိုက်ရသည့် သေနတ်သံကြောင့် ရုတ်တရက် လန့်ဖြန့်သွားကြသည်။ အန္တရာယ်တခုခုကျရောက်နေပြီဟု သိရှိကာ စိုးရိမ်စိတ် ဖြင့် မိမိသား၊ သမီးများအသတ်ခံနေရသလား၊ ဒုက္ခ ရောက်နေသလား ဆိုသည့်စိုးရိမ်စိတ်ဖြင့် ပြေးသွားကြ ခြင်းဖြစ်သည်။ ရောက်ရှိသွားချိန်တွင်ကား လူအများအ စုလိုက်အပြုံလိုက်သေဆုံးနေလေပြီ။ မသေဆုံးသူများ၏ ညဉ်းညူသံများလည်းကြားနေကြသည်။ သို့သော် ရှေ့မ တိုး ရဲကြချေ။ ရုတ်တရက်မြင်လိုက်ရသော မြင်ကွင်း ကြောင့် မင်သက်သက်ဖြစ်သွားသူများ၊ သတိလစ်သွား သူများ၊ ငိုကြွေးသူများ၊ ငိုကြွေးနေသူများ၊ မည်သည့်အ ခါမှ မမြင်ဖူးသောမြင်ကွင်း၊ အစုလိုက်အပြုံလိုက် ပစ် သတ်ခံရသည့် မြင်ကွင်းကိုမြင်တွေ့ကြရသည်။ အာဏာ ပိုင်များက စစ်တွေဆန်ပြဿနာကြောင့် လူ (၂၄)ဦးသာ သေဆုံးခဲ့သည်ဟု ပြောကြားခဲ့ပြီး စစ်တွေ ဆန်ပြဿနာ သည် ဗမာပြည်ကွန်မြူနစ်ပါတီ၏ လှုံဆော်သွေးထိုးမှု ကြောင့်ပြောကြားခဲ့သည်။

စစ်တွေဆန်ပြဿနာနှင့် ပတ် သက်၍ ပီကင်း အသံလွှင့်တခုသာ ထုတ်လွှင့်ခဲ့သည်။ ဗ မာစစ်အစိုးရမှ လူ (၂၄)ဦးသေဆုံးခဲ့သည်ဟု ပြောကြား ခဲ့သော်လည်း ရခိုင်ပြည်သူလူထုတရပ်လုံးက လူပေါင်း (၃၀၀)ကျော် သေဆုံးခဲ့သည်ဟု လက်ခံယုံကြည်ကြ သည်။ ပစ်သတ်မှုကြောင့် အခင်းဖြစ်ပွါးရာနေရာတွင် ပွဲချင်းပြီး သေဆုံးသူများရှိသလို၊ မသေဘဲဝေဒနာပြင်း ထန်စွာ ခံစားနေရသူများ၊ ခြေထောက်၊ လက်တို့တွင် ကျည်ထိမှန်၍ မပြေးနိုင် သူများသည်စုပြုံကျန်ခဲ့သည်။ ထိုသူများအား စစ်တပ်မှကားများဖြင့် သိမ်းကျုံးတင် ဆောင်ကာ တနေရာတည်းတွင်ကျင်းတူး၍ မြေမြုတ်သ ဂြိုလ်ခဲ့ကြသည်။

စာရေးသူ၏ အမြင်သဘောထား…..

ဤဆောင်းပါးကို ရေးသားရခြင်း၏ ရည်ရွယ်ချက်မှာ ဗမာအစိုးရ နေ၀င်းလက်ထက် ရခိုင်ပြည်၏ ဆန်ရှားပါးမှုကြောင့် အငတ်ဘေးရောက်နေချိန်တွင် ဆန်ပြဿနာကို ဖြေရှင်းမပေးသည့် အပြင် ရခိုင် ပြည်သူ(၃၀၀)ကျော်ကိုလည်း မတော်မတရား ရက်ရက်စက်စက် သတ်ပြတ်ခဲ့ပြီး တစ်နေရာတည်းတွင် ကျင်းတူး၍ မြေမြုပ် သဂြိုလ်ခဲ့ခြင်း တို့ကို နောက်လာမယ့် အနာဂါတ်မျိုးဆက်သစ် လူငယ်များအား သိထားသင့်သည်ဟု ယူဆမိပါကြောင့်။

ထက်မြတ်ခိုင် (ဘူးသီးတောင်)

ကျွန်တော်သည် ဤဆောင်းပါးအား ရခိုင်ပြည်လုံးဆိုင်ရာ ကျောင်းသားနှင့် လူငယ်များအစည်းအရုံး All Arakan Students'  and Youths' Congress ( AASYC )မှ  သြဂတ်(စ်) (၁၃) မမေ့အပ် စာအုပ်မှ ကိုးကား ကောက်နုတ် ရေးသားခြင်းဖြစ်သည်။