စင်ကာပူရင်းနှီးမြှုပ်နှံမှု ထပ်မံဝင်ရောက်လာဖို့ အခြေအနေကောင်းတွေ ဖန်တီးနိုင်ခဲ့ပြီလား
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ သုံးရက်ကြာ စင်ကာပူနိုင်ငံ ခရီးစဉ်အတွင်း နှစ်နိုင်ငံအကြား ဟိုတယ်နှင့်ခရီးသွားလုပ်ငန်း၊ ဘဏ်လုပ်ငန်း၊ဆောက်လုပ်ရေး၊ စွမ်းအင်အပါအဝင် ကဏ္ဍအတော်များများ ရင်းနှီးမြှုပ်နှံမှုတိုး ချဲ့ဖို့ သဘောတူညီချက် ထုတ်ပြန်နိုင်ခဲ့တာကို တွေ့ရတယ်။
ဒါ့အပြင် စင်ကာပူ စီးပွားရေးလုပ်ငန်းရှင်တွေနဲ့ တွေ့ဆုံပြီး ပြန်လည်ပြင်ဆင် ရေးဆွဲထားတဲ့ မြန်မာနိုင်ငံရင်းနှီးမြှုပ်နှံမှု ဥပဒေ သစ်ကို ပွင့်လင်းမြင်သာရှိမှုနှင့် အခွင့်အလမ်းတွေချပြခဲ့လို့ အကျိုး သက်ရောက်မှုတွေ ရှိလာနိုင်ပါတယ်။
သမ္မတဦးသိန်းစိန်လက်ထက်မှာ ပြုပြင်ပြောင်းလဲရေးတွေ ဆောင်ရွက်ခဲ့ပြီးနောက် စင်ကာပူ-မြန်မာဆက်ဆံရေးမှာ အလှည့်အပြောင်းတွေ ရှိလာတယ်။
နှစ်နိုင်ငံအကြား စီးပွားရေး၊ ရင်းနှီး မြှုပ်နှံမှုနဲ့ ကူးသန်းရောင်းဝယ်ရေးအရ ဆက်နွှယ်ပတ်သက်မှု သိ သိသာသာ မြင့်တက်လာတယ်။ မြန်မာနိုင်ငံ ပြည်ပကုန်သွယ်မှုနှင့် ငွေကြေးလွှဲပြောင်းမှု ကိစ္စရပ်တွေမှာ စင်ကာပူဘဏ်တွေကို အား ပြုပြီး တစ်ဆင့် ချိတ်ဆက်လုပ်ကိုင်ခဲ့ရတယ်။
တစ်ဖက်ကလည်း မြန်မာနိုင်ငံ ပြည်ပရင်းနှီးမြှုပ်နှံမှုစာရင်းမှာ စင်ကာပူက အများဆုံး ဖြစ်လာတယ်။
NLD အစိုးရလက်ထက်မှာတော့ စင်ကာပူ-မြန်မာ နှစ်နိုင်ငံ အကြား စီးပွားရေး၊ နိုင်ငံရေးအရ ဆက်ဆံရေးတွေ ပိုမိုအားကောင်း ခိုင်မာတယ်။ ၂ဝ၁၆ ခုနှစ် ဇွန်လ ၇ ရက်မှာ မြန်မာနိုင်ငံကို စင်ကာ ပူဝန်ကြီးချုပ် လီရှန်လွန်း လာရောက်ပြီးနောက် နှစ်နိုင်ငံပြည်သူ တွေအကြား ရက်ပေါင်း ၃ဝ ဗီဇာအပြန်အလှန် ကင်းလွတ်ခွင့်ပြုဖို့ သဘောတူညီခဲ့ပြီး ဒေါ်အောင်ဆန်းစုကြည်ကိုလည်း အာဆီယံမှာ ဦးဆောင်မှုပေး ဖို့ တောင်းဆိုလိုက်တာက အတော်လေးထူးခြားပါ တယ်။
ကမ္ဘာက လေးစားရတဲ့ ဒေါ်အောင်ဆန်းစုကြည် ပါဝင်လာရင် 'အာဆီယံပုံရိပ်' မြင့်တက်လာပြီး စီးပွားရေးအခွင့်အလမ်း အကျိုး အမြတ်တွေ ပိုမိုရရှိမယ်ဆိုတာ စင်ကာပူက ကောင်းကောင်းသိနေ ပုံရတယ်။
ဒါ့အပြင် မြန်မာ-စင်ကာပူ နှစ်နိုင်ငံကြား ကုန်သွယ်ရေးနှင့် ရင်းနှီးမြှုပ်နှံမှု မြှင့်တင်ရေးကိစ္စရပ်တွေကို အလေးပေးဆွေးနွေးခဲ့ ကြတယ်။ ရိုက်တာသတင်း ဖော်ပြချက်အရ ကမ္ဘာ့စီးပွားရေး ကျဆင်းမှု နဲ့အတူ စင်ကာပူစီးပွားရေးလည်း နှေးကွေးနေတယ်။ စင်ကာပူ ပင်မစီးပွားရေးကို လေ့လာကြည့်ရင် နိုင်ငံတကာ ကုန်ပစ္စည်းတွေကို handle လုပ်ပေးခြင်း၊ ကူးသန်းရောင်းဝယ်ရေးနှင့် ဘဏ်လုပ် ငန်းဆိုင်ရာ အဆင့်မြင့်ဝန်ဆောင်မှု ပေးခြင်းတွေက အဓိကကျနေပါတယ်။
ဒါကြောင့် မြန်မာနိုင်ငံရဲ့ ပြည်ပကုန်သွယ်ရေးမှာလည်း ငွေကြေးလွှဲပြောင်းမှု ကိစ္စရပ်တွေနဲ့ ဆက်နွှယ်ပတ်သက်လာရင် စင်ကာပူကိုပဲ အားပြုခဲ့ရတယ် မဟုတ်ပါလား။
အရှေ့တောင်အာရှဒေသ ကူးသန်းရောင်းဝယ်ရေးနှင့် ဘဏ်လုပ်ငန်းဗဟိုချက်ဖြစ်တဲ့ စင်ကာပူနိုင်ငံဟာ ပြည်ပကို ကုန်ပစ္စည်းတင်ပို့မှု ကျဆင်းလာလို့ (စီးပွားရေးရှုထောင့်ကနေ) ဒေသတွင်း ချိန်ခွင်လျှာကို ပြန်လည် ထိန်းညှိရမယ့် အနေအထားကို ရောက် လာတယ်။
ဒီလိုအခြေအနေ၊ အခင်းအကျင်းမှာ အာရှတိုက်ရဲူ့ျေအ င်္မသညအငနမ လို့ နာမည်ကြီးလာတဲ့ မြန်မာနိုင်ငံနဲ့ သံတမန်ဆက် ဆံရေး၊ ကုန်သွယ်ရေးနှင့် ရင်းနှီးမြှုပ်နှံမှုကိစ္စရပ်တွေက ရှေ့တန်းကို တိုးထွက်လာတယ်။
မြန်မာနိုင်ငံ ရင်းနှီးမြှုပ်နှံမှုကော်မရှင် ထုတ်ပြန်ချက်အရ သမ္မတဟောင်း ဦးသိန်းစိန်အစိုးရ ငါးနှစ်သက်တမ်းမှာ နိုင်ငံခြား ရင်းနှီးမြှုပ်နှံမှု ဒေါ်လာ ၂၃ ဘီလီယံရှိပြီး စင်ကာပူက ကိုးဘီလီယံ ကျော်ရှိလို့ အများဆုံးဖြစ်ပါတယ်။ နှစ်နိုင်ငံ ကုန်သွယ်မှုပမာဏက ၂ဝ၁၅ ခုနှစ်မှာ အမေရိကန်ဒေါ်လာ ၂ဒသမ၅ ဘီလီယံရှိကြောင်း မြန်မာနိုင်ငံဆိုင်ရာ စင်ကာပူသံရုံးက ထုတ်ပြန်ခဲ့တယ်။
ဒါပေမဲ့ စင်ကာပူရင်းနှီးမြှုပ်နှံမှုကို ထပ်မံလေ့လာကြည့်တဲ့ အခါ စင်ကာပူကုမ္ပဏီတွေ ပါဝင်သလို အခြားနိုင်ငံတွေကလည်း စင်ကာပူအမည်ခံပြီး တစ်ဖက်လှည့် ဝင်လာတာကိုလည်း တွေ့ရ တယ်။ အရပ်စကားနဲ့ နားလည်လွယ်အောင် ပြောရရင် စင်ကာပူ အမည်ပေါက် ကုမ္ပဏီတွေလို့ဆိုရမှာပါ။ အမေရိကန်၊ အနောက် ဥရောပ၊ ဂျပန်စတဲ့ ကုမ္ပဏီတွေက စင်ကာပူမှာမှတ်ပုံတင်ပြီးမြန်မာ နိုင်ငံမှာ လာရောက် ရင်းနှီးမြှုပ်နှံကြတယ်။
မြန်မာနိုင်ငံထဲကို စင်ကာပူအမည်ပေါက် ကုမ္ပဏီတွေ ဝင် ရောက်လာရတာ အဓိကအားဖြင့် အကြောင်းနှစ်ချက်ရှိတယ်။ ပထမအချက်က (ထိုစဉ်က) မြန်မာနိုင်ငံအပေါ် စီးပွားရေးပိတ် ဆို့မှု 'ကွင်းလုံးကျွတ်' ပယ်ဖျက်ပေးခြင်းမရှိသေးလို့ လုပ်ကိုင်ဆောင် ရွက်ရတဲ့ ကိစ္စရပ်တွေမှာ အခက်အခဲတွေ၊ အဟန့်အတားတွေ ရှိ နေတယ်။ ဒါကြောင့် စင်ကာပူနိုင်ငံမှာ ကုမ္ပဏီဖွဲ့စည်းတည်ထောင် ပြီးတော့မှ မြန်မာနိုင်ငံထဲကို ဝင်ရောက်ရင်းနှီးမြှုပ်နှံကြတယ်။
မြန်မာနိုင်ငံအနေနဲ့လည်း အာဆီယံ ကတိကဝတ်တွေအရ အာဆီယံထဲက ဘယ်နိုင်ငံ၊ ဘယ်ကုမ္ပဏီကိုမဆို ခွင့်ပြုပေးရတယ်။ ASEAN Comprehensive Investment Agreement ကရှိနေ တော့ အဲဒီစာချုပ်အရ လက်ခံပေးရတယ်။
ဒီလမ်းကြောင်းကနေ စင်ကာပူအမည်ပေါက်ကုမ္ပဏီတွေ မြန်မာနိုင်ငံထဲကို ဝင်ရောက် လာကြတယ်။
တနည်းအားဖြင့် မြန်မာနိုင်ငံအနေနဲ့ 'ဆန်ရှင်'မိခဲ့လို့ အမေ ရိကန်၊ အနောက်ဥရောပ၊ ဂျပန်နှင့် တောင်ကိုရီးယား ကုမ္ပဏီတွေ က တိုက်ရိုက်ရင်းနှီးမြှုပ်နှံမှု ပြုလုပ်ဖို့အခွင့်မသာနိုင်ဘဲ ရှိနေတယ်။ ဒါကြောင့် သူတို့ရင်းနှီးမြှုပ်နှံမှုတွေ အာမခံရှိဖို့အတွက် စာချုပ်ကို ကြားခံပြီး စင်ကာပူဘက်က လှည့်ဝင်လာကြတယ်။
၂ဝ၁၆ ခုနှစ် ဖေဖေါ်ဝါရီလထဲမှာ ပြုလုပ်ခဲ့တဲ့ မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) ဝက်ဘ်ဆိုက် ဖွင့်လှစ်ခြင်းအခမ်း အနားမှာ အတွင်းရေးမှူး ဦးအောင်နိုင်ဦးက 'စင်ကာပူ ရင်းနှီးမြှုပ် နှံမှုဆို တာ မြန်မာနိုင်ငံစာရင်းထဲမှာ စင်ကာပူလို့ပေါ်နေပေမယ့်စင် ကာပူနိုင်ငံသားတွေချည်းပဲ မဟုတ်ပါဘူး။ အထူးသဖြင့် အနောက် နိုင်ငံတွေက စင်ကာပူမှာ သူတို့လုပ်ငန်းတွေ မှတ်ပုံတင်ပြီးတော့ မြန်မာနိုင်ငံကို လာရောက်ရင်းနှီးမြှုပ်နှံတာပါ။
သူတို့ရဲ့ ကုမ္ပဏီမှတ် ပုံတင်ရာဌာနကို ကြည့်လိုက်တဲ့အခါ
စင်ကာပူဖြစ်နေ တာကြောင့် စင်ကာပူရင်းနှီးမြှုပ်နှံမှုအောက်မှာ စာရင်းသွင်းလိုက်ရတယ်'လို့ ဆို ပါတယ်။
အလားတူ ဂျပန်-မြန်မာ နှစ်နိုင်ငံပူးပေါင်းဖော်ဆောင်နေတဲ့ သီလဝါအထူးစီးပွားရေးဇုန် စီမံကိန်းမှာလည်း စင်ကာပူနိုင်ငံက ဒေါ်လာ ၇၃၂ သန်းကျော်နဲ့ အများဆုံး ရင်းနှီးမြှုပ်နှံထားကြောင်း MIC ဒုတိယညွှန် ကြားရေးမှူးချုပ် ဦးသန်းအောင်ကျော်က ဆိုပါ တယ်။ အမြည်းအစမ်းအနေနဲ့ ပြောရရင် ကမ္ဘာကျော် ကိုကာကိုလာ အချိုရည်ကုမ္ပဏီဟာ အမေရိကန်ကုမ္ပဏီ ဖြစ်ပေမယ့် မြန်မာပြည် ထဲကို စင်ကာပူရင်းနှီးမြှုပ်နှံမှုအနေနဲ့ ဝင်ရောက်လာတယ်။
အလား တူ အိမ်ခြံမြေနှင့် ဆောက်လုပ်ရေးကဏ္ဍတွေမှာလည်း စင်ကာပူ အမည်ခံပြီး ဝင်ရောက်နေတဲ့ ကုမ္ပဏီတွေရှိနေတယ်။ ဒါကြောင့် မြန်မာပြည်မှာ စင်ကာပူရင်းနှီးမြှုပ်နှံမှုက တရိပ်ရိပ်တက်လာပြီး စင်ကာပူအမည်ပေါက် ကုမ္ပဏီ၊ လုပ်ငန်းပေါင်း ၁ဝဝ ဝန်းကျင်အ ထိ ရှိလာတယ်။
နောက်တစ်ချက်က မြန်မာ-စင်ကာပူ နှစ်နိုင်ငံကြားမှာအခွန် နှစ်ထပ် (double taxation) မဖြစ်ရေး သဘောတူညီချက် စာချုပ်ကို ၁၉၉၉ ခုနှစ်မှာ ချုပ်ဆိုထားတယ်။
စာချုပ်အရ မြန်မာ နိုင်ငံမှာ ရင်းနှီးမြှုပ်နှံမယ့် စင်ကာပူကုမ္ပဏီတွေဟာ စင်ကာပူ သို့မဟုတ် မြန်မာအစိုးရ တစ်ရပ်ရပ်ကိုသာ အခွန်ပေးဆောင်ရမှာ ဖြစ်ပါတယ်။ အစိုးရတစ်ရပ်ကို အခွန်ဆောင်ပေးဆောင်ထားရင် ကျန်အစိုးရကပါ ထပ်ပြီးအခွန်ကောက်ခံ တာမျိုးကို ရှောင်ရှားဖို့ နှစ်နိုင်ငံ သဘောတူစာချုပ်ထားတယ်။ ဒီအချက်က စင်ကာပူအ တွက် အားသာချက်တစ်ရပ် ဖြစ်လာပြီး အမြတ်ထွက်နေတယ်။
ဒါကြောင့် ဒေါ်အောင်ဆန်းစုကြည် ခရီးစဉ်မှာ အခွန်နှစ်ထပ် ကိစ္စကို ခေတ်စနစ်နဲ့အညီ ပြန်လည်ပြင်ဆင်ရေးဆွဲဖို့ ကြိုးပမ်းခဲ့ ရာမှာ သဘောတူညီခဲ့ကြောင်း အစိုးရထုတ်သတင်းစာမှာ ဖော်ပြထားတယ်။ ဒီရှုထောင့် ကကြည့်ရင် မြန်မာနိုင်ငံက နိုင်ငံတကာနဲ့ ကုန်သွယ် မှု၊ ရင်းနှီးမြှုပ်နှံမှုတွေ တိုးချဲ့လိုရင် အခွန်နှစ်ထပ်ကိစ္စကို ဖြေရှင်း ပေးရင်း နှစ်နိုင်ငံကုန်သွယ်ရေး သဘောတူစာချုပ် (Biliteral Free Trade Agreement) တွေကို ထိရောက်ကျယ်ပြန့်စွာ ချုပ်ဆိုနိုင်ဖို့ လိုအပ်လာတယ်။
မြန်မာနိုင်ငံထဲကို ဂျပန်ရင်းနှီးမြှုပ်နှံမှုတွေ မျှော်မှန်းထားသလောက် စီးဝင်လာနိုင်ခြင်းမရှိသေးတဲ့ အကြောင်းရင်းတွေထဲမှာ အခွန်နှစ်ထပ်ကိစ္စလည်း ပါဝင်တယ်။ ဂျပန်သံအမတ်ကြီးက မာရူယာမာက 'မြန်မာနဲ့ဂျပန် နှစ်နိုင်ငံကြားမှာ အခွန်နှစ်ထပ် သ ဘောတူစာချုပ် မချုပ်ဆိုရသေးလို့ ဂျပန်ကုမ္ပဏီတွေအနေနဲ့ မြန်မာ နိုင်ငံမှာ ရင်းနှီးမြှုပ်နှံမယ်ဆိုရင် ရရှိလာတဲ့အကျိုးအမြတ်ကို မြန်မာ အစိုးရကို အခွန်ဆောင်ရတယ်။ ဂျပန်အစိုးရကိုလည်း အခွန်ဆောင် ရတယ်။ ကုမ္ပဏီတစ်ခုက နိုင်ငံနှစ်ခုကို အခွန်ပေးနေရတယ်'လို့ ဆို ပါတယ်။ ဂျပန်ဘက်က မြန်မာအစိုးရနဲ့ ဆွေးနွေးမှုတွေ ပြုလုပ်နေ ပြီး သဘောတူညီမှုရခဲ့ရင် ဂျပန်အကြီးစား ရင်းနှီးမြှုပ်နှံမှုတွေ ဝင် ရောက်လာနိုင်ခြေ ပိုမိုများပြားလာမှာ ဖြစ်ပါတယ်။
တစ်ဖက်မှာ မြန်မာနိုင်ငံရဲ့ ပြည်ပကုန်သွယ်ရေး၊ ငွေကြေးလွှဲ ပြောင်းဆောင်ရွက်မှု ကိစ္စတွေမှာ စင်ကာပူက ကြားခံလည်းဖြစ်သလို အားထားရာလည်း ဖြစ်နေတယ်။ မြန်မာနိုင်ငံမှာ ရင်းနှီးမြှုပ်နှံ မယ့် ပြည်ပကုမ္ပဏီတွေ၊ ကုန်သွယ်မှုပြုလုပ်တဲ့ ကုမ္ပဏီတွေဟာ ငွေ ကြေးလွှဲပြောင်းခြင်း၊ ငွေပေးပို့ခြင်းအစရှိတဲ့ ကိစ္စရပ်တွေကို လုပ် ဆောင်တဲ့အခါ စင်ကာပူဘဏ်တွေက အဓိကကျတဲ့ အခန်းကဏ္ဍမှာရှိနေတယ်။
ယခုအခါမှာတော့ အခြေအနေ၊ အခင်းအကျင်းတွေက ပြောင်း လဲသွားပါပြီ။ မြန်မာနိုင်ငံကို အမေရိကန်ပြည်ထောင်စုက 'ဆန်ရှင်' ရုပ်သိမ်းပေးလိုက်ပါတယ်။ ဒါ့အပြင် အမေရိကန်ပြည်ထောင် စုက ၁၉၈၉ ခုနှစ် ကတည်းက ရုပ်သိမ်းခဲ့တဲ့ ကုန်သွယ်မှုဆိုင်ရာ အထူးအခွင့်အရေး(GSP) ကိုလည်း ပြန်လည်ပေးအပ်လိုက်ပြီဖြစ် ပါတယ်။
မြန်မာနိုင်ငံဟာ အာရှတိုက်မှာ ရင်းနှီးမြှုပ်နှံဖို့ အခွင့်အလမ်း အကောင်းဆုံးနိုင်ငံအဖြစ် နာမည်ရလာပါတယ်။ ဒီလိုအချိန်မှာ မြန်မာနိုင်ငံအနေနဲ့ စင်ကာပူနိုင်ငံကို တစ်ဆင့်ခံပြီး ရင်းနှီးမြှုပ်နှံ မှုတွေ ဝင်ရောက်လာခြင်းပေါ်မှာ ပြန်လည်သုံးသပ်စရာ ရှိလာတယ်။ စင်ကာပူကို တစ်ဆင့်ခံမယ့်အစား တိုက်ရိုက်ဝင်ရောက် ရင်းနှီး မြှုပ်နှံမှု ပြုလုပ်မယ်ဆိုရင် မြန်မာနိုင်ငံအတွက် အကျိုးစီးပွား ပိုမို ဖြစ်ထွန်းလာမှာ မလွဲဧကန်ပါ။
တစ်ဆက်တည်းမှာပဲ စင်ကာပူကုမ္ပဏီတွေ၊ လုပ်ငန်းရှင်တွေ ကိုယ်တိုင် မြန်မာနိုင်ငံကို လာရောက်ရင်းနှီးမြှုပ်နှံမယ်ဆိုရင် မြန်မာနိုင်ငံအနေနဲ့ တရုတ်၊ ထိုင်းနိုင်ငံတွေနဲ့ ကုန်သွယ်ရေး၊ ရင်းနှီး မြှုပ်နှံမှု တစ်ဖက်စောင်းနင်း မှီခိုရမှုအနေအထားကို အတိုင်းအ တာတစ်ခုအထိ လျှော့ချနိုင်မှာ ဖြစ်ကြောင်းပါ။
http://yangonmedia.com/…/6935-%E1%80%85%E1%80%84%E1%80%B9%E…
EmoticonEmoticon