ဖက်ဆစ်တော်လှန်ရေး ဆင်နွှဲ၍အောင်မြင်ပြီးစ ၁၉၄၅ခုနှစ်ဝန်းကျင်ကာလတွင် မြန်မာ့သမိုင်းကြောင်း၌ တော် လှန်ရေးအရှိန်မပြေသေးဘဲ တော်လှန်ရေးကာလအတွင်း ဖြစ်ပျက်ကြုံတွေ့ခဲ့ရသည့် အရေးအခင်း ဂယက်များ ကို စာပေဖြင့်လည်းကောင်း၊ အတွေးအခေါ်လုပ်ဆောင်ချက်များဖြင့်လည်းကောင်း ဖော်ထုတ်မှတ်တမ်း တင် လျက်ရှိနေခဲ့ကြသည်။ ယင်းသို့ စစ်ဒဏ်ကို အလူးအလဲခံခဲ့ကြရာမှ နာလန်ထူစေဖို့ရန်နှင့် တိုင်းပြည်နှင့် လူမျိုး တိုးတက် ဖွံ့ဖြိုးရန်အတွက်လုပ်ဆောင်မှု စိုးမိုးနေချိန်ဝယ်၊ မှတ်တမ်းတင်နေချိန်ဝယ် ပြည်သူ့ရဲ ဘော်တပ်ဖွဲ့ ဥက္ကဋ္ဌ စစ်သေနာပတိနှင့် ဖဆပလအဖွဲ့ချုပ်ကြီး၏ ဥက္ကဋ္ဌအဖြစ် တာဝန်ယူဆောင်ရွက်ခဲ့သော အမျိုးသား ခေါင်း ဆောင်ကြီး ဗိုလ်ချုပ်အောင်ဆန်းသည် စစ်အရေးမှသည် ခေတ်အရေးသို့ ပြောင်းလဲဖို့အချိန် တန်ပြီဟူသော ခေတ်အမြင် သစ် ခေတ်ရှေ့ပြေးအတွေးအမြင်ကို ဖော်ထုတ်တင်ပြ၍ မြန်မာ့လွတ်လပ်ရေး၏ အရုဏ်ဦး ရောင်ခြည်ဦးကို ဤသို့ ထွန်းညှိပြလမ်းညွှန်ခဲ့သည်။…
ရှေးဦးစွာဗိုလ်ချုပ်အောင်ဆန်းက လူတို့၏ ခေတ်သမိုင်းသည် အမြဲတမ်း အသက်ဝင်နေပြီး ခေတ်အလိုက် တိုး တက်ပြောင်းလဲခြင်းရှိနေရမည်။ အဖျက်သဘော မပါဘဲ အဖြစ်သဘောနှင့် အပြုသဘောသာ ပါစေရမည်။ ရည် ရွယ်ချက်တစ်ခုကို အထမြောက်ပြီး လက်ဆုပ်လက်ကိုင်ပြနိုင် အောင်အမြတ်အစွန်းပေါ်စေရမည်။ အကျိုး ဖြစ် ထွန်းစေရမည်။ စိတ်ကူးသက်သက်နှင့် ထင်ရာတွေး ဖြေဆိုရေးသားလုပ်ကိုင်ခြင်း ကင်းပြီး စ၊ လယ်၊ ဆုံး သုံးပါး လုံးကို နည်းစနစ်ကျန မှန်ကန်စွာနှင့် အဖွင့်အပိတ် စသည်တို့ အံကိုက်စေရမည်။ ရှိရင်းစွဲအရာ တစ်ခုကို ပျက်မ သွားစေဘဲ၊ ညံ့မသွားစေဘဲ ပို၍ကောင်းမွန်စေရမည်။ ၀ိုးတိုးဝါးတား မထင်မရှားနှင့် အသိခက် အမြင်ခက်မှုများ မပါဘဲ မျက်ဝါးထင်ထင်တွေ့မြင်နိုင်သော အရာမျိုးလုံးလုံးခဲခဲပါစေရမည်။ လေဖမ်း၍မရသကဲ့သို့ အဖတ်မပါ၊ ဗလာသက်သက် မဟုတ်ဘဲ အတုံးအတစ်၊ အစိုင်အခဲကိုင်စွဲ၍ ပြနိုင်သော အရာမျိုးဖြစ်စေရမည်။ ပြုပြင် ဖန်တီး စေသောသတိ်္တပါရှိရမည်ဟူ၍ နိဒါန်းချီလျက် ပြုပြင်ဖန်တီးစေသော သတိ်္တဟူသည် လူ့လောကလူမှု ပေါင်းသင်း ဆက်ဆံ ရေးရာဇ၀င်သမိုင်းအဆက်ဆက် တိုးတက်ရေး၊ လွတ်လပ်ရေး၊ တန်းတူရေးအစရှိသည်တို့ကို ပြုပြင်ဖန် တီးပေးစေရမည်။ လေထဲတိုက်အိမ်ဆောက်သော အယူအဆမျိုး၊ အိပ်မက်မျိုး၊ အတွေးအမြင်များ မပါစေရဘူး။ သို့သော် အကြောင်းနှင့် အကျိုး၊ နှလုံးရည်နှင့် ဉာဏ်ရည်၊ စာတွေ့နှင့် လက်တွေ့၊ ရှေးအဖြစ်နှင့် ယခု အဖြစ်၊ ယခုအဖြစ်နှင့် နောက်အဖြစ်၊ စိတ်ကူးနှင့် မျက်မြင်တို့သည် တစ်ခုနှင့် တစ်ခု အဆက် အစပ်စနစ်ကျရမည်။ နည်းမှန်ရမည်။ ခေတ်မီရမည်။ ဖြစ်ကတတ်ဆန်း အမှတ်တမဲ့နှင့် မဆီမဆိုင်သော အတွေးအဆများ၊ အကြောင်း အရာများကို အမြီးအမောက်မတည့်အောင် အရောရော အထွေးထွေးပြောဆို၊ ရေးသားပြုလုပ် ခြင်းများမပြုရ။ ကျွန်ုပ်တို့တစ်တွေသည် အမြဲတမ်း ခေတ်နှင့်လိုက်၍ ပြောင်းလဲ ပြုပြင်သွားရမည်။ အသက်ရှင်နေဖို့အသက် ရှင်နေမယ်ဟူ၍ ကိုယ့်ဟာကိုယ် ယုံကြည် စွဲလမ်းနေရမည်။ စိတ်သတိ်္တ ပြင်းပြခြင်းရှိ ရမည်။ မရေမရာ မထင်ရှား သော အယူအဆများ၊ အတွေးအခေါ်များ အပေါ်တွင် အခြေမပြုဘဲ လူ၏လောက၊ လူ့ပေါင်းသင်းရေး၊ လူ့ ရာဇ၀င်၊ လူ့တိုးတက်ရေးစသည်တို့ကို ကောင်းမွန်အောင် ဖန်တီးဆောင်ရွက်ရမည်။
မည်သူမပြု မိမိမှုဆိုသော စကားအတိုင်းပင် ကိုယ့်ကံကိုယ်ဖန်တီးသူများ ဖြစ်ကြသည်။ ကိုယ့်အကြောင်းကိုယ် ပြု ပြင်သူများဖြစ်ကြသည်။ ကိုယ့်ရာဇ၀င် ကိုယ်ရေးသူများဖြစ်ကြသည်။ ကိုယ့်ကိုယ် ကိုယ် အထင်သေးစိတ်၊ အောက်ကျ နောက်ကျစိတ်၊ သေးနုပ်သောစိတ်ထား များကို ပယ်ဖျောက်၍ အနိုင်မခံ အရှုံးမပေးသော ဇွဲသတိ်္တ ရှိရမည်။ အရှုံးဟူသော စိတ်မျိုး လုံးလုံးကင်းစေရမည်။ ကိုယ့်ကိုယ်ကိုယ် ယုံကြည်ချက်၊ အားကိုး ချက်ရှိရမည်။ လူထုကိုလည်း ယုံကြည်ကိုးစားပြီး နောင်ရေးကိုလည်း အမြဲတမ်းကောင်းစားဖို့ စွဲလမ်းချက်ရှိရမည်။ လုပ် ငန်း တစ်ခုကို ထမ်းဆောင်ရာတွင် အခက်အခဲတစ်ခုကို တွေ့ကြုံရလျှင် ဘယ်အခက် အခဲမျိုးကြောင့်မှ နောက်တွန့် ကြောက်ရွံ့ ခြင်းမဖြစ်စေရ။ ရှေးအလား အလာအတွေးအခေါ်များသည်လည်း ရှင်းလင်းပြတ်သားနိုင်ရမည်။ သို့မှသာ ယုံကြည်ခြင်း တရားရှိလာမည်ဖြစ်သည်ဟူ၍ လမ်းညွှန်ခဲ့သည်။
ယင်းသဘောတရား၊ အတွေးအမြင်များကို အခြေခံလျက် ကျွန်တော်တို့၏ လွတ်လပ်ရေးတိုက်ပွဲကြီးကို ဆင်ခြင် တိုင်းထွာကြည့်လျှင် ကျွန်တော်တို့၏ ဗမာပြည်လွတ်လပ်ရေးလုပ်ငန်းကြီးသည် ကမ္ဘာ့လွတ်လပ်ရေး တိုက်ပွဲကြီး နှင့် ဆက်စပ်နေကြောင်း တွေ့ရမည်ဖြစ်သည်။ အထူးသဖြင့် ယခု ဗမာပြည်၏ မရှေးမနှောင်း တိုတောင်းလှ သော နှစ်အပိုင်းအခြားအတွင်း ဖြစ်ပေါ်ခဲ့သော လွတ်လပ်ရေးတိုက်ပွဲသည် ပထမအင်္ဂလိပ်-ဗမာစစ်ပွဲက စတင် သည်ဟု ဆိုရပေမည်။ ယခုအခါ ကျွန်တော်တို့၏ လွတ်လပ်ရေးတိုက်ပွဲသည် ရှေးနှစ်ပေါင်းများစွာက တစ်ဆင့် ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ကြီးနှင့် ဗမာ့တပ်မတော်၊ ဗမာလူမျိုးအားလုံး စုပေါင်းပြီး ဆိုင်ရာဆိုင်ရာ ကိုယ့်ဝန်ကိုယ်ထမ်း ကြိုးစားဆောင်ရွက်မှုများအခြေခံ၍ အဆုံးစွန်သော အဆင့်သို့ ရောက်ရှိနေ ပြီဖြစ်သည်။ ဤအဆင့် အခြေအနေသို့ ရောက်ရှိစေရန် လူတစ်ဦးတည်း တစ်ယောက်တည်းက လူစွမ်း ကောင်း လုပ်ပြီး ပြုပြင်ဖန်တီးခဲ့တာမဟုတ်ဘူး။ လူထုနှင့် လူထုအင်အားနှင့် စွမ်းဆောင်ဖန်တီးခဲ့ခြင်းသာဖြစ်သည်။
သူရသတိ်္တနှင့် ပြည့်စုံသောဂုဏ်သည် စစ်သားမှသာ ရနိုင်သည်ဟုမဆိုလို။ အယုတ်အလတ်အမြတ်မရွေး လူတန်းစား တိုင်းသူရဲကောင်းဖြစ်နိုင်သည်ဟူ၍ စဉ်းစားကြည့်နိုင်သည်။ ကျွန်တော်တို့ ယခုဖက်ဆစ်နှင့် မဟာ မိတ်တွေကို တိုက်ခိုက်နေခြင်းသည် ငြိမ်းချမ်းရေးရရန်အတွက် တိုက်နေခြင်းဖြစ်သည်။ ငြိမ်းချမ်းရေးဟူသည် သုသာန်တစပြင်ကဲ့သို့ တိတ်ဆိတ် ငြိမ်သက်နေသော သက်မဲ့ငြိမ်းချမ်းရေးမျိုး မဟုတ်၊ အသက်ရှိသော ငြိမ်း ချမ်းရေးမျိုး၊ ရှေ့ကိုအညွှန့်အတက်ရှိသော ငြိမ်းချမ်းရေးမျိုးကို ဆိုလိုသည်။ တိုးတက်ခြင်း၊ ကြီးပွားခြင်း၊ လွတ်လပ်ခြင်း၊ တန်းတူခြင်းတို့ကို အားပေးသော ငြိမ်းချမ်းရေးကို ဆိုလိုသည်။ဤသို့မဟုတ်လျှင် တရားနည်း လမ်းလည်းမကျဘူး၊ မတည်မြဲဘူးဟူ၍ မိန့်ကြားခဲ့သည်။
သူရသတိ်္တပြည့်စုံသော စစ်သည်တော်များ ကြိုးပမ်းတိုက်ခိုက်ကြသောသူများနှင့် မတရားကျူးကျော်စော်ကားမှု တော်လှန်မှုကို အကြောင်းပြု၍ စွန့်စားခြင်း၊ ရဲရင့်ခြင်းကို ထူးချွန်စွာပြသပြီး တိုက်ခိုက်ရဲသော သူမျိုးကိုသာ သူရဲ ကောင်းဟုခေါ်ဆိုနိုင်သည်။ ဖက်ဆစ်စစ်သားများကို သူရဲကောင်းဟူ၍ မခေါ်နိုင်ဘူး။ အဘယ်ကြောင့် ဆိုသော် သူတို့သည် အကျိုးဖြစ်ထွန်းအောင် ဖန်တီးပေးသော လူစားမျိုးမဟုတ်ဘူး။ သူတို့သည် ပျက်စီးရာပျက်စီး ကြောင်းကိုသာ လုပ်ဆောင်သည်။ ဗရုတ်သုတ်ခဖြစ် အောင်လုပ်သည်။ သူများအသက်တစ် ချောင်းကိုဓားတစ် လက်ဖြင့် မတရားသက် သက်သတ်ဖြတ်ကြသည်။ သူများပစ္စည်း အိုးအိမ်များကို မီးရှို့ဖျက်ဆီးသည်။ ထိုသို့ သော လူစားမျိုးသည်သူရဲကောင်းမဟုတ်။ သူယုတ်မာများသာဖြစ်ပြီး နောက်ဆုံးတွင် သူတစ်ပါးအပေါ် ပြု လေသမျှ သူတို့ပြန်ပြီး ခံရစမြဲပင်ဖြစ်သည်။ သူများကို ဖျက်သလို သူတို့လည်းပျက်ရသည်။ ယင်းသို့သော အကြောင်း အကျိုးအပြုအမူကိုထောက်ထား၍ ကျွန်တော်တို့သည် ရဲစွမ်းသတိ်္တနှင့် ဇွဲဟူသောအရည်အချင်း နှစ်ရပ်ကို ချီးကျူးတတ်ရမည်ဖြစ်သည်။
ရဲစွမ်းသတိ်္တဟူသည် လက်ရုံးရည်ချည်းမဟုတ်ဘဲ နှလုံးရည်၊ ဉာဏ်ရည်ပါ ကောင်းမွန်ခြင်းနှင့် ပြည့်စုံရမည်။ ရဲစွမ်းသတိ်္တဟူသည် အသက်ရှင်လျက်နေရဲရ မည်။ တွေးရဲ၊ ကြုံရဲ၊ ထုတ်ဟပြောဆိုရေးသားရဲရမည်။ အပြော သာမက အလုပ်လည်းလုပ်ရဲရမည်။ ဖြစ်သမျှ အကောင်းချည်းဟူသော သဘောမျိုးနှင့်ဆိုးဆိုး ကောင်းကောင်း နဖူးတွေ့ ဒူးတွေ့တွေ့ဖို့ အသင့်ရှိရမည်။ အခြေအနေအဆိုးရွားဆုံး ကိုပင်တွေ့ဖို့ရှိလျှင် ရင်ဆိုင်တွေ့ရန်အ သင့်ပြင်ထားရမည်။ သို့သော်မိမိဘက်မှ သက်သက်ဆိုးရွားအောင် မလုပ်ရပေ။
ဇွဲဆန်္ဒသတိ်္တကို မွေးမြူကျင့်သုံးရာတွင် ရာဇ၀င်၏အလို ရာဇ၀င်၏ လိုလားချက်များနှင့် တိုက်ဆိုင်စေရမည်။ တစ် နည်းဆိုသော် တစ်စုံတစ်ရာ အကျိုးဖြစ် ထွန်းဖွယ်အရေးတစ်ခုကို ဖြည့်စွမ်းလုပ် ဆောင်နေ့စဉ်တွေ့ကြုံရ တတ် သောအခက်အခဲအကြောင်းအရာတစ်ခုခု ပေါ်ပေါက်လာခဲ့လျှင် အကြောင်းအားလျော်စွာအခါ မရွေးထထကြွ ကြွနှင့် ဆောင်ရွက်နိုင်သည့် ဇွဲဆန္ဒမျိုးဖြစ်ရမည်။ အကျိုးမဲ့သက်သက် အသက်မသေလိုရဘူး။ အကျိုးရှိရှိနှင့် လူ့ပြည်၌ အသက်ရှင်နေဖို့ရာ စိတ်ဆန္ဒအား ပြင်းပြထက်သန်ရမည်။ အောင်စိတ်ရှိရမည်။ အောင်ရမည်ဟူသော ရဲဆန္ဒရှိရမည်။ ဦးနှောက်သုံး၍ ဉာဏ်ရှိသမျှ ကြံဆထားသောအရာကို စိတ်ထဲတွင်လည်း အားကြိုးမာန်တက် လုပ်ဆောင်နိုင်ရမည်။
လူထုသူရဲကောင်းနှင့် သူရဲကောင်း ပြည်သူလူထုတို့တွင် ကိုယ့်အမျိုး၊ ကိုယ့် တပ်မတော် ကိုယ့်ဂုဏ်ကိုယ် ရိုသေ လေးစားသော ဂုဏ်ရည်ရှိသည်။ ယင်းဂုဏ်ရည်သည် လူတို့၏ အဖိုးတန်ဆုံးဖြစ်သော တစ်ဦးကိုတစ်ဦး အပြန် အလှန် ချစ်ခင် ကြင်နာခြင်း၊ ရိုင်းပင်းကူညီလိုစိတ်ရှိခြင်း တို့ကိုတိုးပွားစေသည်။ ဆင်းရဲအတူချမ်း သာအမျှဟူ သော အနှစ်သာရနှင့် အညီ တစ်ဦးနှင့်တစ်ဦးသည် မည်သည့် အခြေ အနေသို့ ရောက်သည်ဖြစ်စေ မခွဲ မခွာ သစ္စာရှိသည်။ ဟန်ရေးပန်ရေးလုပ်ချင်စိတ်၊ တစ်ကိုယ်ကောင်း ငို့ဘစိတ်၊ (ငါ့ဖို့စိတ်) မနာလိုဝန်တိုစိတ်၊ ညာဝါး စိတ်များကို စွန့်ခွာသည်။
ယခုအခါတွင် တစ်ကမ္ဘာလုံး၌ ခေတ်ပြောင်းနေသော အချိန်အခါကြီးဖြစ်သည်။ ကျွန်တော်တို့လည်း ကမ္ဘာကြီး နှင့်အတူ ခေတ်နောက်မကျအောင် လိုက်ကြစို့၊ ပြောင်းလဲကြစို့။ ကမ္ဘာ့ဇာတ်ခုံကြီးတွင် ကမ္ဘာ့တေးသံလိုက်၍ ကပြနိုင်သော ဗမာပြည်ကြီးဖြစ်အောင် ဖန်တီးပြုပြင်ကြစို့။ ဗမာပြည်ကြီးကို လွတ်လပ်ပြီး တိုးတက် ထွန်းကား သော တိုင်းပြည်ဖြစ်အောင်ကြံ ဆောင်ကြိုးပမ်းကြစို့။ ယခုလက်ဝယ်ရှိသော လုပ်ငန်းတာဝန်အလိုက် ကျွန်တော် တို့အလုပ်လုပ်ကြစို့။ ကျွန်တော်တို့အားလုံး စစ်သားရော၊ နိုင်ငံရေးသမားရော၊ စာရေး ဆရာရော၊ သတင်းစာ ဆရာရော၊ အလုပ်သမားရော၊ လယ်သမားရော၊ ပြည်သူ လူထုတစ်ရပ်လုံးရော ဗမာတစ်မျိုးသားလုံး စစ်အရေး မှ ခေတ်အရေးသို့ ပြောင်းလဲချိန်တန်ပြီဖြစ်သောကြောင့် ခေတ်ပြောင်းအလုပ်ကို တူပြိုင်ပြိုင် လုပ်ကိုင်ကြ ပါစ ဟူ၍ ဗိုလ်ချုပ်အောင်ဆန်းသည် တိုက်တွန်းနှိုးဆော်မှုပြုခဲ့သည်။
၁၉၄၅ခုနှစ်ဝန်းကျင် ဖက်ဆစ်တော်လှန်ရေးကို အောင်မြင်စွာ ဆင်နွှဲ၍ ပြီးစီးစအချိန်တွင် ဗိုလ်ချုပ်အောင်ဆန်း သည် စစ်အရေးမှ ခေတ်အရေးသို့ ပြောင်းလဲဖို့ အချိန်တန်ပြီဖြစ်ကြောင်း ခေတ်အမြင်သစ်၊ ခေတ်ရှေ့ပြေး အတွေးအမြင်အဖြစ် ထုတ်ဖော်လမ်းညွှန်ခဲ့သော သမိုင်းဝင်အဆိုအ မိန့်တစ်ရပ်ကို ဗိုလ်ချုပ်အောင်ဆန်း၏ တက္ကသိုလ်ကျောင်းသားဘ၀၌ ဗိုလ်ချုပ်နှင့် တစ်ဆောင်တည်း ပဲခူးဆောင်၌ ရင်းနှီးခင်မင်စွာ အတူလက်တွဲ နေထိုင်ခဲ့ပြီး ဗမာ့တပ်မတော်စစ်ဝန်ရုံး စစ်ပညာဌာန၌ လည်း စစ်ရေးတာဝန်များကို အတူတကွ ထမ်းဆောင် ခဲ့သည့် ဒုတိယဗိုလ်မှူးကြီး မောင်ဘိုသည် ၁၉၄၉ခုနှစ် (မြန်မာနှစ် ၁၃၁၀ခုနှစ်)ထုတ် အိုးဝေမဂ္ဂဇင်းကြီးတွင် ဗိုလ်ချုပ်နှင့်စာပေဟူသော ဆောင်းပါးဖြင့် မြန်မာ့တော်လှန်ရေးနှင့် လွတ်လပ်ရေး သမိုင်းကြောင်း၏ သမိုင်း တန်ဖိုးမြင့်မားသော ဗိုလ်ချုပ်အောင်ဆန်း၏ ပြောင်းလဲဖို့အချိန်တန်ပြီဟူသော ခေတ်ရှေ့ပြေးအမြင်နှင့် အာသီ သကို ပြန်လည်ဆန်း သစ်ဖော်ထုတ်ကာ ဗိုလ်ချုပ်၏ အာသီသအတိုင်း နှောင်းလူတို့ ကျင့်သုံးလိုက်နာ ဆောင် ရွက်ကြစေရန် ဤသို့ဆန္ဒပြုခဲ့သည်။
အချိန်မှာ တော်လှန်ရေးအပြီး လူတိုင်း၏ စိတ်ထဲ၌ ကျားနာများကဲ့သို့ မည်းမည်းမြင်ရာခဲချင် အုပ်ချင်နှင့် အဖျက် သဘောများ ဖိစီးနေချိန်ဖြစ်၏။ စာပေလောက တစ်ခွင်တွင်လည်း ရေးသမျှ စာပေတို့သည် တော်လှန်ရေးအရှိန် မပြေသေးဘဲ ဂယက်ရိုက်ဆဲဖြစ်၏။ တော်လှန်ရေးအတွင်း ဖြစ်ပျက်ခဲ့သမျှ အရေးအခင်းတို့ကို စားမြုံပြန် ဆဲဖြစ် ၏။ အဖျက်သဘော ပင်လယ်ကြောတွင်သာ နှစ်မျောလျက်ရှိကြသေး၏။
စစ်ဒဏ်ကို အလူးအလိမ့်ခံခဲ့ရာမှ နာလန်ထူစေဖို့ရာတိုင်းပြည်အတွက် မတွေးမိကြသေးဘဲ အတိုက်အခံ၊ အဖျက်အဆီး အကြောင်းများသာ မိုးမွှန်နေချိန် တစ်နေ့သ၌၀ယ် တစ်သက်လုံး ဂွ(ခွ) လက်နက် သာသုံးလျက် စိတ်အတိုဆုံး ခေါင်းအမာဆုံးဖြစ်ခဲ့သောသူသည် စစ်အရေးမှ ခေတ်အရေးသို့ ပြောင်းလဲကာ သစ်လွင်သည့် အယူအဆများထွက်ပေါ်လာသည်ကိုတွေ့ရ၏။
ထိုသူကား အခြားသူမဟုတ်၊ ဗမာပြည်ကြီးအား သူ့ကျွန်တွင်းမှ လွတ်ကင်းအောင် ကယ်တင်ခဲ့သည့် ပဲခူး ကျောင်းဆောင်သား ဗိုလ်ချုပ်အောင်ဆန်းပင်ဖြစ်၏။ နာမည်နှင့်လိုက်အောင်ပင်အောင်မြင် ဆန်းသစ်သော အတွေးအခေါ်များကို ဗမာ့စာပေနှင့် ဗမာ့နိုင်ငံရေးအတွေးအမြင်အဖြစ် သွတ်သွင်းပေးခဲ့သည့်သူ ဗိုလ်ချုပ် အောင်ဆန်းကိုယ်တိုင် ရေးသားခဲ့သော အာဘော်ကို ဖတ်ရှုခြင်းဖြင့် သိသာရုံသာမ က ဗိုလ်ချုပ်၏ စစ်အရေးမှ ခေတ်အရေးသို့ ပြောင်းလဲဖို့အချိန်တန်ပြီဟူသော ခေတ် အမြင်၊ ခေတ်အတွေး၊ ခေတ်ရှေ့ပြေးကို အခါအခွင့် သင့်သဖြင့် တက္ကသိုလ်သမဂ္ဂ မဂ္ဂဇင်းဖြစ်သော အိုးဝေမဂ္ဂဇင်း (၁၉၄၉ခု နှစ်)တွင် အမှတ်တရ ဂုဏ်ပြုပြန်လည် ထည့်သွင်းဖော်ပြပါသည်။ သူ(ဗိုလ်ချုပ်အောင်ဆန်း)၏ အာသီသတိုင်း လိုက်နာကျင့်သုံး ရွက်ဆောင်နိုင်ကြပါ စေသတည်း။
ကျမ်းကိုး
၁။ ဗိုလ်ချုပ်နှင့်စာပေ (ဒုတိယဗိုလ်မှူးကြီး-မောင်ဘို) (အိုးဝေနှစ်လည် မဂ္ဂဇင်း၁၉၄၉ခုနှစ်)
၂။ ဗိုလ်ချုပ်အောင်ဆန်းအတ္ထုပ္ပတိ်္တ (သခင်ကိုယ်တော်မှိုင်းတည်းဖြတ်)
၃။ဗိုလ်ချုပ်၏ဗိုလ်ချုပ် (အောင်ဆန်း) (the key collection) 2013.
မြန်မာသံတော်ဆင့် သတင်းစာ
EmoticonEmoticon