မြန်မာနိုင်ငံတော် လွတ်လပ်ရေး စတင်ရရှိသော ၄-၁-၁၉၄၈ နေ့တွင် မြန်မာ့အလင်း ဦးတင်သည် ပြည်ထောင် စု မြန်မာနိုင်ငံ၏ အစိုးရအဖွဲ့သစ်တွင် ဘဏ္ဍာရေးနှင့် အခွန်တော်ဝန်ကြီး ဖြစ်သည်။
ယင်းအစိုးရအဖွဲ့ထဲတွင် ဦးတင်နှင့် အရင်းနှီးဆုံးပုဂ္ဂိုလ်သည် ၀န်ကြီးချုပ် (နန်းရင်းဝန်) သခင်နုဖြစ်သည်။ သခင်နု လိုအပ်သမျှကို တော်လှန်ရေး ကာလတွင်လည်းကောင်း၊ ၁၉-၇-၁၉၄၇ နေ့ ဗိုလ်ချုပ်မကွယ်လွန်မီထိ လည်းကောင်း မြန်မာ့အလင်းဦးတင်က သခင်နုကို လိုလေသေးမရှိ ကူညီခဲ့သည်။ ကုန်ကုန်ပြောရလျှင် ဗိုလ်ချုပ်တို့ ကျဆုံးသွားသည့် သတင်းကိုပင် ဦးတင်လှမ်းအကြောင်းကြားမှ သခင်နုသိရှိခဲ့ခြင်းပင်။ ခြုံငုံပြောရလျှင် လွတ်လပ်ရေး အစိုးရအဖွဲ့တွင် ၀န်ကြီးအဖြစ် ဦးတင်ပါဝင်ခြင်းသည်လည်း သခင်နု၏ သြဇာတိက္ကမအများဆုံး ပါဝင်ခဲ့ခြင်းဖြစ်သည်။…
လွတ်လပ်ရေးရပြီး ၇၂ ရက်အကြာတွင် ပြည်ထဲရေးဝန်ကြီး ဦးကျော်ငြိမ်းသည် ကြီးစွာသော အမှားတစ်ခုကို ကျူးလွန် လိုက်လေသည်။ ယင်းအမှားသည် ဦးကျော်ငြိမ်း၏ စေခိုင်းချက်အရ သတင်းစာတိုက် ၃ တိုက်ကို ရိုက်ချိုး ဖျက်ဆီး လိုက်ခြင်းဖြစ်သည်။ ယင်း ၃ တိုက်သည် အိုးဝေ၊ ဟစ်တိုင်နှင့် စီးပွားရေး သတင်းစာတိုက်တို့ ဖြစ်သည်။ ရန်ကုန်မြို့လယ်ရှိ ယင်းသတင်းစာတိုက် ၃ တိုက်ကို ဖျက်ဆီးကြခြင်းမှာ ဦးကျော်ငြိမ်း၏ ဆိုရှယ်လစ်ပါတီ လယ်သမားအဖွဲ့ ခေါင်းဆောင်ကြီး မုဒိမ်းမှု ကျူးလွန်သည်ဟု ယင်းသတင်းစာတို့က ဖော်ပြခဲ့သောကြောင့် ဖြစ်၏။ ၀န်ကြီးချုပ် သခင်နုသည် ဦးကျော်ငြိမ်းကို ခေါ်ပြီးသော် အလကားကောင်ဟု ပြောဆိုကြိမ်းမောင်း၏။ ကျူးလွန်သူ ခေါင်းဆောင်တို့ကိုလည်း အရေးယူရန် အမိန့်ပေး၏။ အဆိုးဆုံးကား သခင်နု၏ အစိုးရအပေါ်တွင် ဗမာပြည်ကွန်မြူနစ်ပါတီက ဆက်ဆံရေး ဖြတ်တောက် သွားခြင်းပင်ဖြစ်၏။
ဗိုလ်ချုပ် မကွယ်လွန်မီ ၁၀-၁၀-၁၉၄၆ နေ့က ကွန်မြူနစ်ပါတီကို ဖဆပလ က ထုတ်ပယ်ခဲ့သည်။ သို့ရာတွင် ကွန်မြူနစ်ပါတီက ပြည်သူ့လွှတ်တော်အမတ် ဖြူးသခင်သန်းဖေသည် ဗိုလ်ချုပ်မကွယ်လွန်မီ ၂ လခန့်က ဗိုလ်ချုပ်နှင့်တွေ့ဆုံ၍ ၅ နာရီကြာမျှ ဆွေးနွေးခဲ့သည်။ ယင်းဆွေးနွေးမှုကစ၍ လွတ်လပ်သော မြန်မာအစိုးရ အဖွဲ့တွင် ကွန်မြူနစ်ပါတီက သခင်သန်းထွန်းနှင့် သခင်သန်းဖေ(ဖြူး) တို့ကို ထည့်သွင်းရန် ဗိုလ်ချုပ် သဘောတူခဲ့သည်။ ဗိုလ်ချုပ်မကွယ်လွန်မီ ၁၈-၇-၁၉၄၈ နေ့ညက ယင်းကိစ္စကို ဗိုလ်ချုပ်သည် သခင်နုကို ပြောကြားခဲ့သေးသည်။
ဗိုလ်ချုပ် ၁၉-၇-၁၉၄၇ နေ့တွင် ကွယ်လွန်ပြီးနောက် သခင်နုသည် သခင်သန်းထွန်းနှင့်အတူ ချစ်ကြည်ရေးခရီး လှည့်လည်ခဲ့သည်။ သခင်နုအစိုးရအဖွဲ့တွင် သခင်သန်းထွန်းနှင့် သခင်သန်းဖေ(ဖြူး) တို့ကို ထည့်သွင်းရန် မှာလည်း ဆိုရှယ်လစ်ပါတီ ခေါင်းဆောင် ဦးကျော်ငြိမ်းနှင့် အပေါင်းပါတို့က နှောင့်နှေးအောင် ပြုမူနေသည့်တိုင် ကွန်မြူနစ်ပါတီဘက်က ဘာမျှပြောမလာဘဲ ရေငုံနှုတ်ပိတ် နေခဲ့လေသည်။ ထင်မှန်းကြည့်ရသည်မှာ သခင်နု အစိုးရအဖွဲ့ထဲမှာ ၀န်ကြီးနှစ်နေရာယူရေးကိစ္စသည် ကွန်မြူနစ်ပါတီအဖို့ သိပ်အဓိကမကျသည့် သဘောဟု ထင်မြင်ယူဆရလေသည်။
၎-၁-၁၉၄၈ လွတ်လပ်ရေးနေ့ အခမ်းအနားကိုလည်း ကွန်မြူနစ်ခေါင်းဆောင် သခင်သန်းထွန်း တက်ရောက်လာ၍ သခင်နုကများစွာ ကျေနပ်၏။
သခင်သန်းထွန်းနှင့် (ဖြူး)သခင်သန်းဖေတို့ကို ၀န်ကြီးအဖွဲ့ထဲထည့်ဖို့ကိစ္စမှာ ဦးကျော်ငြိမ်း၏ အချိန်ဆွဲ ထားမှုကြောင့် အကောင်အထည် ပေါ်မလာသေးပေ။ ယင်းအချိန်မှာ ဦးကျော်ငြိမ်း အစီအစဉ်ဖြင့် သတင်း စာတိုက် ၃ တိုက်ကို ဖျက်ဆီးလိုက်သော အခါတွင်ကား ကွန်မြူနစ်ပါတီသည် ဆိုရှယ်လစ်တို့ ကြီးစိုးသော သခင်နုအစိုးရကို မယုံကြည်တော့ပေ။
ယင်းကာလမှာပင် ကွန်မြူနစ်ပါတီသည် လူတစ်သိန်းကျော် တက်ခဲ့သည့် ဗိုလ်ချုပ်အောင်ဆန်း၏ အစည်းအဝေးထက် သာလွန်ကြီးကျယ် ခမ်းနားသော၊ ဗိုလ်ချုပ် အစည်းအဝေးထက် လူ ၂ ဆ တက်မည်ဟု ခန့်မှန်းထားသော အစည်းအဝေးကို ပျဉ်းမနားတွင် ပြုလုပ်ရန် စီစဉ်လျက်ရှိ၏။ ၁၃-၃-၁၉၄၈ နေ့တွင် တောင်သူလယ်သမားသမဂ္ဂ ကွန်ဂရက်အဖြစ် သခင်သန်းထွန်းက စီစဉ်ဆောင်ရွက်နေခြင်းပင်။
အထူးသဖြင့် သခင်သန်းထွန်းသည် နိုင်ငံခြားက ကွန်မြူနစ်ပါတီတို့ကိုလည်း ဖိတ်ကြားထားရာ ယင်းကို အထူးစိုးရိမ်မကင်း သောကဖြစ်သူမှာ ၀န်ကြီးချုပ်သခင်နုပင်။
သခင်နုသည် သခင်သန်းထွန်း၏ လုံ့လ၀ီရိယဇွဲနှင့် တစ်ခုခုလုပ်သည်ဆိုလျှင် စနစ်တကျ အောင်မြင်အောင် လုပ်တတ်သည်ကို ကောင်းကောင်းသိ၏။ သခင်နု၊ သခင်သန်းထွန်းနှင့် သခင်စိုးတို့ နဂါးနီပုံနှိပ်လုပ်ငန်း လုပ်ကိုင်ခဲ့စဉ်က သခင်သန်းထွန်းသည် သူတာဝန်ယူသည့် အလုပ်ကိစ္စကို လုပ်ပါက ပြီးမှထိုင်ရာက ထတတ်သည်ကိုလည်း ကောင်းကောင်းသိ၏။ သခင်သန်းထွန်းသည် နိုင်ငံခြားက ကွန်မြူနစ် ခေါင်းဆောင် တို့ကို ဖိတ်ထားခြင်းက သူ့ကွန်မြူနစ်ပါတီသည် ဘယ်လောက် ကြီးကျယ်အောင် ဆောင်ရွက်နိုင်သည်ကို အင်အားပြလိမ့်မည်ဟု သခင်နုတွက်ထား၏။
ယင်းအတွက် သခင်နုသည် သခင်သန်းထွန်း၏ ပျဉ်းမနားကွန်ဂရက် သတင်းကို တိတိကျကျ သိလို၏။ တိတိကျကျသိနိုင်ရန် မိမိကို အကောင်းဆုံး အကူအညီပေးနိုင်သူမှာ မြန်မာ့အလင်း ဦးတင်ပင်ဖြစ်သည်။
ယင်းမှာ ၀န်ကြီးချုပ်သခင်နုသည် သူ၏၀န်ကြီး တစ်ဦးလည်းဖြစ်သော မြန်မာ့အလင်း ဦးတင်ကို နှစ်ကိုယ်ကြား ခေါ်ယူတိုင်ပင်၏။
သခင်သန်းထွန်းတို့၏ ပျဉ်းမနားကွန်ဂရက် သတင်းကို အတိအကျ ဖြစ်နိုင်သမျှ အပြည့်အစုံ သိရှိနိုင်ရန် လိုကြောင်း သခင်နုက မြန်မာ့အလင်းဦးတင်ကို ပြော၏။
မြန်မာ့အလင်းဦးတင်ကလည်း သခင်နုအကူအညီ မတောင်းလည်း မိမိဘက်က အကောင်းဆုံးနှင့် အပြည့်စုံဆုံး ပျဉ်းမနားကွန်ဂရက် သတင်းကို သခင်နုထံ တင်ပြရန် စီစဉ်ထားသည်သာမက မြန်မာ့အလင်း အထူးသတင်းထောက် ၂ ဦးလွှတ်၍ ပျဉ်းမနား ကွန်ဂရက်သတင်းကို ရယူရန် စီစဉ်ထားကြောင်း သခင်နုကိုပြောပြ၏။
သခင်နု သိပ်အားရသည်။ မြန်မာ့အလင်းအရိပ်ကို သူခိုခဲ့သော၊ ဦးတင်၏ သူလိုသမျှ မဆိုင်းမတွ ကူညီခဲ့သော ကျေးဇူးကို ယခုလည်း ရပြန်ပြီဟု မိမိဆန္ဒပြည့်ဝနိုင်ကြောင်း စိတ်ချသွား၏။
မြန်မာ့အလင်းဦးတင်သည် သူ့သတင်းထောက် ၂ ယောက်ကို ပျဉ်းမနားကွန်ဂရက်သို့ စေလွှတ်လျက် သခင်သန်းထွန်း ထံသို့လည်း သတင်းပြည့်ပြည့်စုံစုံ ရရှိလိုကြောင်း ဆန္ဒပြုလေရာ ဖဆပလ၀န်ကြီးတစ်ဦးက သူ့ကွန်ဂရက် သတင်းမှန် သိလိုခြင်းအတွက်လည်း သခင်သန်းထွန်းသည် တော်တော် ကျေနပ်သွား၏။
အမှန်ပင်။ သခင်သန်းထွန်းသည် သူ့ကွန်ဂရက်၏ ဗိသုကာပီသလျက် နိုင်ငံခြားသား ကိုယ်စားလှယ်များထဲတွင် အာရှ၊ ဥရောပက ပုဂ္ဂိုလ်များပါ၏။ ဗီယက်နမ်က မစ္စတာ ယောင်ပိုငုယင်ဒူတွေ၊ တရုတ် ကျောင်းသား ကိုယ်စားလှယ် ၄ ဦး ဆွန်ဖီမင်၊ ကူဆီဆူ၊ ဆန်ဂူဝါနှင့် တီအန်ဆန်ပေါင်၊ မလေးရှားက ဒီမိုကရက် ခေါင်းဆောင် လီဘွန်း၊ ကမ္ဘာ့ကျောင်းသား အဖွဲ့ချုပ်ခေါင်းဆောင် မစ္စတာဟယ်ဘရစ်ပင်၊ အိန္ဒိယတောင်သူ လယ်သမား သမဂ္ဂက ရဲဘော်ရာဆူနှင့် ဘရင်ဒေး၊ ယူဂိုစလားဗီးယားက စူဝန်တို့ဖြစ်၏။
ယင်းပျဉ်းမနားကွန်ဂရက်ကို အခန်း ၅၂၀၀ ရှိသော အဆောက်အအုံ ၃၅ လုံးကို ဧက ၁၃၀ ကျယ်သော မြေလွတ်မှာ ဆောက်ထားခြင်းဖြစ်သည်။ ယင်းအဆောက်အအုံတို့ကို သက်ကယ် ၈၀၀၀၀၊ ၀ါးကြီး ၇၀၀၀၊ ၀ါးငယ် ၄၂၀၀၊ နှီးဝါး ၁၀၀၀ တို့ကို အသုံးပြုလျက် ကွန်မြူနစ် လယ်သမားရဲဘော် ၅၀၀ က တစ်လအတွင်း တည်ဆောက်ခဲ့ခြင်း ဖြစ်၏။ ပျဉ်းမနား၊ လယ်ဝေး၊ ကျည်တောင် ကန်ဒေသတစ်ဝိုက်ရှိ ရဲဘော်အများအပြားက ကူညီပံ့ပိုးပေးသည့်အတွက် ကုန်ကျငွေ ၅၁၀၅၀ ကျပ်သာရှိသည်ဟု သိရ၏။
ယင်းကွန်ဂရက်သို့ ၂၆၃ ခရိုင်က ကိုယ်စားလှယ် ၃၅၀ ဦး၊ ဧည့်သည်တော် ၁၅၄ ဦးအပါအ၀င် လူထု ၂ သိန်းကျော် တက်ရောက်လာကြသည်။
ယင်း ပရိသတ် ၂ သိန်းကျော်တို့ ရေချိုးရန်၊ အထွေထွေသုံးရန်နှင့် ဆေးကြောသုတ်သင်ရန် တို့အတွက် ရေတိုင်ကီများ၊ ရေဂါလန် ၁၂၀၀ ဆံ့ ရေသယ်ကားကြီးများ၊ ရေစုပ်စက်များသာမက ရေလှောင်ရန်တိုင်ကီ ၃၅၀ အပြင် ရာဝင်အိုးကြီး ၁၅၀၀ တို့ပါ ထားရှိပေးထားလေသည်။
ဤ ပရိသတ် ၂ သိန်းကျော်ကို ည မနက် ၆ ရက်ကျွေးရန်နှင့် လက်ဖက်ရည်ကြမ်းနှင့် မြည်းရန် လက်ဖက် အကြော်အလှော် ထန်းလျက်တို့မှာ လယ်သမားရဲဘော် အလှူရှင်များနှင့် ပျဉ်းမနားမြို့နှင့် ပတ်ဝန်းကျင်က ကူညီပေးပို့ကြသည့်အတွက် ပိုလျှံရိက္ခာတို့ကို ပြန်လည်ဝေငှရသည်ထိ အဆင်ပြေသည်ကို တွေ့ရှိရသည်။
ထို့ပြင် ကွန်ဂရက်ဗဟိုရုံး၊ အစည်းအဝေးခန်းမ မဏ္ဍပ် ၊ အခန်းအသီးသီးတို့အတွက် လျှပ်စစ်မီးနှင့် ဆက်သွယ်ရေး ဖုန်းများကိုလည်း နိုင်ငံခြားပါတီတွေက အကူအညီပေး ၍လိုလေသေး မရှိအောင် ဆောင်ရွက်ထား၏။
အချိန်ပြည့် ဆရာဝန်များ၊ ကွန်ပေါင်ဒါများ၊ သူနာပြုအမျိုးသား အမျိုးသမီးများသည် ကွန်ဂရက်က ဧည့်ပရိသတ် တို့ကို ကျန်းမာရေး အထွေထွေ လိုအပ်ချက်တို့ကို ဖြည့်ဆည်းကူညီပေး၏။ ထိုမျှမက ရောဂါဘယ မဖြစ်ပွားအောင် အန္တရာယ်ရှိနိုင်သော နေရာတို့ကို ထုံးအိတ်ပိဿာချိန် ၁၀၀၀ သုံးလျက် သုတ်လိမ်း ထားသည် မှာလည်း ကွန်ဂရက်အပေါ် အထူးဂရုစိုက်မှုကို တွေ့ရ၏။
ဤစာရေးသူသည် ပျဉ်းမနားဌာနေ ၀ါရင့်အကန်တော့ခံ သတင်းထောက်ကြီး ဦးသိန်းစီကို လူ ၂ သိန်းကျော် အတွက် အိမ်သာတွေ ဘယ်လို တည်ဆောက်ထားပါသလဲဟု မေးကြည့်ရာ ကျန်းမာရေး လုပ်အားပေး ရဲဘော် ၅၀၀ ကျော်က အိမ်သာ ၅၀၀ သန့်ရှင်းရေးကို မပြတ်ကြည့်ရှု စောင့်ရှောက်လျက် ရှိကြောင်းပြော၏။
ပျဉ်းမနားဒေသခံ စာရေးဆရာကြီး ဦးစိုးမြိုင်က လူ ၂ သိန်း ကျော်တက်အောင် လယ်ယာများ ရိတ်သိမ်းပြီး၍ လယ်သမားများ အားလပ်ချိန်ကို ရွေးလုပ်ခြင်းဖြစ်ကြောင်း မိမိဖခင်တည်ထောင်သော (King Edwand Private School) အက်ဒွပ်ဘုရင် အလွတ်ပညာသင်ကျောင်းတွင် သခင်သန်းထွန်းနှင့် ဦးကျော်ငြိမ်းတို့သည် စာသင်ဘက် သူငယ်ချင်းများဖြစ်၍ သခင်သန်းထွန်းသည် စာအလွန်ကြိုးစား ဉာဏ်ကောင်းသူဖြစ်၍ ၁၀ တန်းကို ၃ ဘာသာဂုဏ်ထူးနှင့် အောင်ခဲ့သည်ထိ အားထုတ်နိုင်သူဖြစ်ကြောင်း ပြောပြ၏။
ဝန်ကြီး မြန်မာ့အလင်းဦးတင်၏ ကျေးဇူးပြုမှုဖြင့် ပျဉ်းမနားကွန်ဂရက် အချက်အလက်တို့ကို ၀န်ကြီးချုပ် သခင်နု သိရှိရသောအခါ တော်တော်တုန်လှုပ်သွား၏။ သခင်သန်းထွန်းကတော့ ဦးကျော်ငြိမ်း၏ သတင်းစာတိုက် ရိုက်ချိုးမှုအပေါ်တွင်၊ မိမိ၏ဖဆပလ အစိုးရအပေါ်တွင် ခေါင်းခါသွားပြီဖြစ်ရာ ယင်းခါးသီးဖွယ်ဖြစ်စဉ်ကို အဆင်ပြေအောင် ကာကွယ်ရေးဝန်ကြီး ရဲဘော်သုံးကျိပ်ဝင် ဗိုလ်လက်ျာ ၁၉၃၉ ခုနှစ်တွင် ကွန်မြူနစ် ပါတီစဖွဲ့စဉ်က သခင်သန်းထွန်းထက်စော၍ ကွန်မြူနစ်ပါတီ တည်ထောင်သူထဲမှာပါသူကို တိုင်ပင်ရန်နှင့် ကွန်မြူနစ်ပါတီကို စက္ကန့် မလပ်စောင့်ကြည့် ရတော့မည်ဟု စိတ်ဒုန်းဒုန်း ချထားလိုက်တော့၏။
မြန်မာသံတော်ဆင့် သတင်းစာ
EmoticonEmoticon