ကိုလိုနီခေတ်ကလား၊ လွတ်လပ်ရေး ခေတ်ဦးကလား မသေချာ။ မြန်မာ့နိုင်ငံရေးကို အငေါ်တူးထားသော သီချင်းတစ်ပုဒ် ရှိခဲ့သည်ဟု ကြားဖူးသည်။ ‘ဗမာပြည် ပါတီတွေကများ’ ဆိုလားပင်။ သီချင်းထဲက အတိုင်းပင် ဗမာပြည်မှာလား နိုင်ငံရေးပါတီတွေက အတော်များသည်။ လွတ်လပ်ရေးရအပြီး ပထမဆုံးကျင်းပခဲ့သော ၁၉၅၁-၅၂ ရွေးကောက်ပွဲ မှာပင် ပါတီပေါင်း ၁၂ ခု ယှဉ်ပြိုင်ခဲ့ကြသည်။ အာဏာရပါတီ (ဖဆပလ) ကို အတိုက်အခံပါတီ ၁၁ ခုက ကြိုတင်ညှိနှိုင်း တိုင်ပင်ခြင်းမရှိဘဲ ပြိုင်ခဲ့ကြရာ
သဘာဝကျစွာပင် ဖဆပလသာ အနိုင်ရခဲ့သည်။ ဒုတိယအကြိမ် ရွေးကောက်ပွဲ (၁၉၅၆) တွင်တော့ တပ်ပေါင်းစု (ပမညတ) ဖြင့် ယှဉ်ခဲ့ရာ မြန်မာ့ပါလီမန်တွင် ပထမဆုံး အတိုက်အခံပေါ်လာသည်။ ပိုဘက်စုံ၊ ပိုရင့်ကျက်လာသည့် သဘောဟု ဆိုနိုင်သည်။ တတိယအကြိမ် ရွေးကောက်ပွဲ (၁၉၆၀) တွင်ကား အာဏာရပါတီ နှစ်ခြမ်း ကွဲသွားသည်။ ဒီမိုကရေစီလည်း ပြည်ဖုံးကား ကျသွားခဲ့ရသည်။
နှစ်ပေါင်း ၂၆ နှစ်ကျော်ကြာမှ ကျင်းပခဲ့သော ၁၉၉၀ ရွေးကောက်ပွဲ တွင်ကား ပါတီပေါင်း ၂၀၀ ကျော် ပေါ်လာသည်။ ထိုသည်၏နောက် အနှစ် ၂၀ ကြာမှ ကျင်းပနိုင်ခဲ့သော ရွေးကောက်ပွဲ ၂၀၁၀ တွင်မူ NLD သပိတ်မှောက်သည့် ကြားကပင် ပါတီတွေ မနည်းမနော ယှဉ်ပြိုင်ခဲ့ကြသည်။ ဟော ယခုလာတော့မည့် ၂၀၁၅ ရွေးကောက်ပွဲတွင်မူ ပါတီပေါင်း ၉၀ ကျော် ယှဉ်ပြိုင်ကြမည်ဟု သိရသည်။ မြန်မာ့ရွေးကောက်ပွဲ သမိုင်းတစ်လျှောက် တစ်သီးပုဂ္ဂလ ယှဉ်ပြိုင်သူဦးရေ အများဆုံး ဟုလည်း သိရသည်။ စုစုပေါင်း ၃၂၃ ဦးရှိသည်။ ဤတွင် မေးသင့်မေးထိုက်သော အမေး ပုစ္ဆာတစ်ရပ် ပေါ်လာရတော့သည်။ ‘ဘာ့ကြောင့် မြန်မာပြည်တွင် ပါတီတွေ ဤမျှပေါရပါသနည်း’ အကြောင်းရင်းခံ နှစ်ရပ်နှင့် ဆိုင်ပါလိမ့်မည်။ ‘ဒီမိုကရေစီ မရင့်ကျက်ခြင်း’ နှင့် ‘ဒီမိုကရေစီ အဆက်ပြတ်ခြင်း’။
မရင့်ကျက်သော ဒီမိုကရေစီတွင် စေ့စပ်ညှိနှိုင်းရေးဓလေ့ မထွန်းကား။ ဒါ့ကြောင့် ပါတီတွေ များရသည်။ ဤအခြေအနေကို ပိုဆိုးစေသည်မှာ ဒီမိုကရေစီ အဆက်ပြတ်ခြင်း။ ကြိုက်သည်ဖြစ်စေ၊ မကြိုက်သည်ဖြစ်စေ မြန်မာ့နိုင်ငံရေးတွင် ပါတီတွေ များနေသည်ကား အမှန်ပင်။ ဤအတိုင်း ဆိုလျှင် လူအများ မျှော်လင့်နေကြသော ပန်းတိုင်သို့ ဘယ်ပုံ ဦးတည်ကြမည်နည်း။
မြန်မာ့ခေတ်သစ်သမိုင်းက ပေးထားသောအဖြေ ရှိပြီး ဖြစ်ပါသည်။ ‘တပ်ပေါင်းစုနိုင်ငံရေး...’ ဖက်ဆစ်တော်လှန်ရေး အကြိုကာလ၊ နိုင်ငံရေးအင်အားစု အားလုံးလောက်ကို ဖဆပလ အလံတော်အောက် စုစည်းနိုင်ခဲ့ရာမှ လွတ်လပ်ရေးအထိ ဦးတည်နိုင်ခဲ့သည်။ (ပထမရွှေခေတ်)။ လွတ်လပ်ရေးခေတ်၊ ဒုတိယအကြိမ်နှင့် တတိယအကြိမ် ရွေးကောက်ပွဲ ကြားတွင် ‘ပမညတ’ အဖွဲ့ကြီး တည်ဆောက်နိုင်ခဲ့ရာမှ တစ်စုံတစ်ရာ ရင့်ကျက်လာသော ဒီမိုကရေစီကာလငယ်။ (ဒုတိယရွှေခေတ်) ရှားရှားပါးပါး ဤနှစ်ကြိမ်သာ ရှိသည်။
စုဖွဲ့ပုံများ (ပါတီ၊ တပ်ဦး၊ တပ်ပေါင်းစု)
မြန်မာ့နိုင်ငံရေးတွင် ပါတီ၊ တပ်ဦး၊ တပ်ပေါင်းစု စသဖြင့် အမည်နာမ အမျိုးမျိုးဖြင့် အဖွဲ့အစည်းများ ရှိခဲ့ကြပါသည်။ အမှန်စင်စစ် အဆိုပါ အဖွဲ့အစည်းများမှာ အမည်နာမ မတူကြသလို စုဖွဲ့ပုံချင်းလည်း တူညီကြ သည်မဟုတ်ပါ။ အဖွဲ့အစည်းတစ်ရပ် အနေနှင့် ‘အနာဂတ်လားရာအမြင်’ (Vision) လည်း တူမည်၊ သတ်မှတ်ထားသော အချိန်ကာလတစ်ခုနှင့် ဆိုင်သည့် ‘မစ်ရှင်’ (Mission) လည်း တူမည်၊ အဆိုပါမစ်ရှင်ကို ဦးတည် အကောင်အထည်ဖော်ရမည့် ‘မဟာဗျူဟာ’ (Strategy) လည်း တူမည် ဆိုလျှင် ယင်းအဖွဲ့အစည်းကို ‘ပါတီ’ (Party) ဟု သတ်မှတ်သည်။ အနာဂတ် လားရာအမြင်၊ ဗစ်ရှင် မတူသည့်တိုင် မစ်ရှင်နှင့် မဟာဗျူဟာ တူလျှင် အဆိုပါ အဖွဲ့အစည်းများကို ‘တပ်ဦး’ (Fraternal Unity) ဟု သတ်မှတ်သည်။ (ဗမာပြည် ကွန်မြူနစ်ပါတီနှင့် ပြည်သူ့အရေးတော်ပုံ ပါတီတို့ကို တစ်ပါတီတည်း ပေါင်းစည်းရန် ပြင်ဆင်ခဲ့သော ‘တော်လှန်ရေး တပ်ဦး’ မှာ ဤသဘောပင် ဖြစ်သည်)။ ဗစ်ရှင်းမတူ၊ မစ်ရှင်ချင်း တူသည့်တိုင် အဆိုပါမစ်ရှင်ကို အကောင်အထည်ဖော်မည့် မဟာဗျူဟာချင်း မတူလျှင်မူ ‘တပ်ပေါင်းစု’ (Front) သာဖြစ်သည်။ မြန်မာ့နိုင်ငံရေးတွင် သြဇာကြီးခဲ့သော ‘ဖဆပလ’ မှာ တပ်ပေါင်းစုသာ ဖြစ်သည်။
ဤနေရာတွင် စကားအလျဉ်းသင့်လာ၍ ဖဆပလထဲမှ ကွန်မြူနစ် ပါတီ ထုတ်ပစ်ရသည်ကို ပြန်ဆွေးနွေးလိုသည်။ ကွန်မြူနစ်များ အပါအဝင် ဖဆပလအမှုဆောင်အဖွဲ့က ဘုရင်ခံ ဆာဟူးဘတ်ရန့်စ်၏ အမှုဆောင်ကောင်စီတွင် ပါဝင်ဖို့ ဆုံးဖြတ်လိုက်ရာ အိန္ဒိယ ကွန်မြူနစ်ပါတီက ‘ဤလုပ်ရပ်မှာ စက်တင်ဘာသပိတ်ကို သစ္စာဖောက်ရာ ရောက်သည်။ လွတ်လပ်ရေးကို ကျောခိုင်းရာရောက်သည်’ စသည်ဖြင့် ဝေဖန်သည်။ ဗမာပြည်ကွန်မြူနစ် ပါတီက ဤဝေဖန်ချက်ကို ကွန်မြူနစ် နေ့စဉ်သတင်းစာတွင် ဘာသာပြန်ပြီး ထည့်သည်။ ဤလုပ်ရပ်မှာ ဖဆပလ ဖွဲ့စည်းပုံဥပဒေပုဒ်မ (၆) ကို ချိုးဖောက်ရာရောက်သည် ဟုဆိုကာ ကွန်မြူနစ်ပါတီကို ဖဆပလမှ ထုတ်ပစ်လိုက်ခြင်း ဖြစ်သည်။
အမှန်စင်စစ် အဆိုပါ ပုဒ်မ (၆) ဖြစ်ပေါ်လာရသည်မှာ ကွန်မြူနစ်ခေါင်းဆောင် သခင်စိုးကြောင့် ဖြစ်သည်။ ဖဆပလ ပထမ ညီလာခံအတွင်း ဦးဘဘေနှင့် ဒီးဒုတ်ဦးဘချိုတို့က ဒိုမီနီယံတောင်းခဲ့ရာ ဤအကြောင်းကို သခင်စိုးက ကွန်မြူနစ် နေ့စဉ်သတင်းစာမှ ‘ဒိုမီနီယံ ဦးဘဘေကို လိပ်ကျောက်မီးဖြင့် ဆော်ပြီ’ ဆိုပြီး ပယ်ပယ်နယ်နယ် ဝေဖန်သည်။ သို့အတွက် ‘နောင်တွင် ပါတီတွင်း အကွဲအပြဲကို ပြင်ပသတင်းစာမှ မဝေဖန်ရ’ ဆိုသော ပုဒ်မ(၆) ပေါ်လာခြင်းဖြစ်သည်။
စည်းမျဉ်းစည်းကမ်းအရ ကွန်မြူနစ်ပါတီ၏ ဝေဖန်ချက်မှာ မှားသည်ဟု ဆိုနိုင်သော်လည်း ဖော်ပြခဲ့ပြီးသော စုဖွဲ့ပုံအရမူ တပ်ပေါင်းစုသဘောကို ကျော်ပြီး တပ်ဦးသဘော ရောက်သွားသည်ဟု ထင်ပါသည်။ ဤသဘောကို ‘ညီညွတ်ရေးတပ်ပေါင်းစု အတွင်း ကိုယ်ပိုင်ပြဋ္ဌာန်းခွင့် ပြဿနာ’ (Self-determination in the United Front) ဟု ခေါ်သည်။ သို့တစေ ရှစ်လေးလုံးနောက်ပိုင်း နိုင်ငံရေးတွင်မူ တပ်ပေါင်းစုအခန်းကဏ္ဍမှာ ပျောက်ခြင်းမလှ ပျောက်နေခဲ့သည်။ ဒေါ်အောင်ဆန်းစုကြည်၏ ပထမဆုံး အကြံပေးအဖြစ် ဆောင်ရွက်ဖူးသူ ဦးထွေးမြင့် မကွယ်လွန်မီ 7Day နှင့် အင်တာဗျူးတွင်မူ NLD ကို မူလထူထောင်သူများ၏ ရည်ရွယ်ချက်မှာ ပါတီမဟုတ်၊ တပ်ပေါင်းစုသာ ဖြစ်သည်ဟု ပြောခဲ့ဖူးသည်။
ရှစ်လေးလုံးအလွန် နိုင်ငံရေး
မှတ်မိကြဦးမည် ထင်ပါသည်။ ဗိုလ်ချုပ်မှူးကြီး စောမောင် လက်ထက်က ဖြစ်သည်။ ထိုစဉ်က နိုင်ငံရေးပါတီများက အစိုးရနှင့် ဆွေးနွေးလိုကြောင်း ကမ်းလှမ်းခဲ့ရာ ဗိုလ်ချုပ်မှူးကြီးက ‘နိုင်ငံရေးပါတီက ၂၀၀ ကျော်၊ ကျွန်တော်က တစ်ယောက်တည်း ဘယ်လိုတွေ့မလဲဗျာ’ ဟု ညည်းညည်းညူညူ ပြောဆိုခဲ့ရာ ပါတီအများစုက ‘ဒေါ်အောင်ဆန်းစုကြည်’ ကို မိမိတို့ ကိုယ်စားလှယ်အဖြစ် သဘောထားကြောင်း၊ သူမနှင့် တွေ့လျှင်ပင် လုံလောက်ကြောင်း ပြန်လည် ပြောဆိုခဲ့ကြသည်။ ဤတွင် ပြောလိုသည်မှာ NLD ၏ မူလရည်မှန်းချက်မှာ တပ်ပေါင်းစုသဘော ဖြစ်ရုံမျှမက ပါတီအများစု ကိုယ်တိုင်ကလည်း NLD ဦးဆောင်မည့် တပ်ပေါင်းစုကို မျှော်လင့်ခဲ့ကြကြောင်း ထင်ရှားစေလို၍ ဖြစ်ပါသည်။ သို့နှင့်တိုင် တပ်ပေါင်းစု ဖြစ်မြောက်ရေး အတွက် ထိုစဉ်က NLD ၏ ခြေလှမ်းများမှာ (ပွင့်ပွင့်လင်းလင်း ဆိုရလျှင်) အားရစရာ မရှိပါချေ။ NLD နှင့် မဟာမိတ်ဖြစ်လိုလျှင် လျှောက်လွှာတင်ရမည် ဟူ၍ပင် ကြားသိရသည်။ သို့နှင့်အမျှ တူရာ လုပ်ငန်းများကို ပူးတွဲဆောင်ရွက်ကြမည့် Joint action လောက်နှင့်သာ ကျေနပ်ခဲ့ရပါသည်။
NLD ၏ ဒုတိယအကြိမ် လှုပ်ရှားခွင့် ရလာတာ လက်ရှိ ဦးသိန်းစိန် လက်ထက်တွင်မူ ဆိုခဲ့ပါ Joint action မျိုးကိုပင် ပီပီသသ မတွေ့ရပါချေ။ (အခြေခံဥပဒေ ပြင်ဆင်ရေးတွင်သာ လက်တွဲနိုင်ခဲ့သည်။) တပ်ပေါင်းစု သဘောထက် ပါတီအနေနှင့်သာ ဦးဆောင်လိုသည်ကို သတိပြုမိသည်။ ဤတွင် စဉ်းစားဖို့ရှိသည်မှာ NLD အနေနှင့် အဘယ့်ကြောင့် တပ်ပေါင်းစု နိုင်ငံရေးကို အားမသန်ပါသနည်း ဆိုသော ကိစ္စပင်ဖြစ်သည်။ မြန်မာ့နိုင်ငံရေးတွင် သြဇာကြီးခဲ့သော ရယ်ဒီကယ်သြဇာများကို ဆဝါးမိ၍ ခပ်ကင်းကင်း နေလိုသလော... စဉ်းစားစရာ ရှိသည်။ ရှစ်ဆယ့်ရှစ်များနှင့် ပတ်သက်လျှင်လည်း သူတို့ လွတ်ခါစလောက်ကပင် နိုင်ငံရေးပါတီ ထူထောင်သင့်ကြောင်း စာရေးသူ ရေးခဲ့ဖူးသည်။ (သူတို့တစ်တွေ အိမ်အပြန် ဆောင်းပါး) သို့တစေ နိုင်ငံရေးနှင့် ပတ်သက်လျှင် သူတို့တစ်တွေမှာ NLD ၏ ဦးဆောင်မှုနှင့်သာ သွားလိုသည့်သဘော ရှိသည်။
ယခုလို ရွေးကောက်ပွဲနီးတော့မှ NLD အလံတော်အောက်မှ ရွေးကောက်ပွဲဝင်ဖို့ လုပ်လာရာ ထင်မထားတာတွေ ဖြစ်ကုန်သည်။ ဤကိစ္စနှင့် ပတ်သက်ပြီး ဦးကိုကိုကြီး၏ 7 Day Interview ကို ဖတ်ရရာ ‘မဲကွဲမှာစိုး၍ ရွေးကောက်ပွဲ မဝင်’ ဆိုသည်ကို လေးစားသည်။ ‘ပါတီထောင်မည်’ ဆိုသည်ကို ကြိုဆိုသည်။ မှန်သည်။ ပါတီက စရပါလိမ့်မည်။ သို့သော် ပါတီမျှလောက်နှင့် ကိစ္စပြီးမည်မဟုတ်။ ပါတီကို အခြေခံပြီး ပျောက်ဆုံးနေသော တပ်ပေါင်းစု လမ်းကြောင်းကို အသက် သွင်းရပါလိမ့်မည်။ ဤသည်ပင် ရှစ်ဆယ့်ရှစ်မျိုးဆက်၏ သမိုင်းဆိုင်ရာ တာဝန်ဟု ယူဆသည်။
ကျော်ဝင်း
EmoticonEmoticon