ရခိုင်တော်လှန်ရေးက ရခိုင်တစ်မျိုးသားလုံး လွတ်မြောက်ရေး ရခိုင်နိုင်ငံထူထောင်ရေးတဲ့လား?

ဒီမိုကရေစီ တော်လှန်ရေးဆိုတာ ပြတ်ပြတ်သားသား ခေါင်းဆောင်ပြီးမှ ဒီမိုကရေစီ တော်လှန်ရေးအောင်ပွဲအတွက် အချက်အလက်တွေ ဖန်တီးပေးနိုင်မယ်။ ကျွန်တော်တို့ ရခိုင်တွေဟာ ခေတ်စနစ် တစ်ခု ပြောင်းလဲပစ်ဖို့ တိုက်ပွဲ ၀င်နေကြတာဖြစ်တယ်၊ ထိုနည်း အတူ လက်ရှိ လက်နက်ကိုင် တိုင်းရင်းသား အများစုဟာလည်း ပြည်ထောင်စု စိတ်ဓာတ်၊ ဒီမိုကရေစီ နှင့် ဖယ်ဒရယ် တိုက်ပွဲတွေကို ဆင်နွှဲကြတာ ဖြစ်ပါတယ်။ နောင်လာမယ့် ရည်မှန်းချက် ပန်းတိုင်ကို ရှေ့ရှုပြီး၊ တိုက်ပွဲဝင် ကြိုးပမ်းနေကြတယ်လို့ ယူဆမိပါတယ်။

ဒီပန်းတိုင်ကို မျက်ခြယ်ပြုသွားရင် တော်လှန်ရေးသမားက တော်လှန်ရေး သမား မဟုတ်တော့ဘူး၊ ဒါပေမယ့် လက်ရှိကြိုးပမ်းမှုကို လက်ရှော့လိုက်ရင်လည်း တော်လှန်ရေးဟာ တော်လှန်ရေး မဟုတ်တော့ ပါဘူး။ လက်ရှိ လက်နက်ကိုင် တိုင်းရင်းတွေဟာ တော်လှန်ရေးကို လက်ကိုင်ထားရတာမို့ ဒီမိုကရေစီနှင့် ဖယ်ဒရယ်နိုင်ငံ ထူထောင်ရေးဆိုတဲ့ ကြွေးကြော်သံတွေ ထွန်းကြားလာမှာ သေချာပါတယ်။ ဒါပေမယ့် အသွင်ကူးပြောင်းရေး တိုက်ပွဲဆိုတာ ရေရှည်တိုက်ပွဲတွေ ဆင်နွှဲ သွားရပါတယ်၊ ခေါင်းဆောင်မှုအတွက် ဆင်နွှဲတဲ့ တိုက်ပွဲတွေလည်း ဖြစ်နိုင်တယ်၊ အဲဒီ တိုက်ပွဲတိုင်းမှာ အောင်မယ်၊ မအောင်မြင်ဘူးဆိုတာ တော်လှန်ရေး တစ်ရပ်ရဲ့ တော်လှန်ရေး ရပ်တည်ချက် ပြတ်သားမှုတွေနဲ့ ဆိုင်မယ်ထင်ပါတယ်။

တော်လှန်ရေး တစ်ရပ်ဆိုတာ မှန်ကန်တဲ့ ပေါ်လစီ တစ်ရပ်ကို ချမှတ်နိုင်ရမယ်၊ မှန်ကန်တဲ့ ရပ်တည်ချက်တွေကို ပြည်သူတွေကို ချပြနိုင်ရမယ်၊ ခေါင်းဆောင်တွေဟာ မယိမ်းယိုင်ရဘူး။ စကားကို ပြတ်သားစွာ မဟာမိတ်တွေနှင့် ပြည်သူတွေကို ချပြနိုင်ရမယ်၊ ရှေ့တစ်မျိုး နောက်ကွယ်တစ်မျိုး၊ ပြည်သူတွေနှင့် မဟာမိတ် ရဲဘော်၊ ရဲဘက်တွေကို လိမ်လည်ပြောဆိုလို့ မရပါဘူး၊ အမှန်အတိုင်း ချပြနိုင်ရမယ်။

ဒါပေမယ့် တော်လှန်ရေး သဘောတရားဟာ တိုက်ပွဲလည်း ဆင်နွှဲတဲ့ အခါ ရှိသလို၊ တိုက်ပွဲ မရှိပဲ၊ သွေးထွက်သံယို မရှိပဲ ပြောင်းလဲ သွားတာလည်း ရှိပါတယ်။ ဒီလို ကူးပြောင်းသွားတာတွေဟာလည်း တော်လှန်ရေးကို ဖန်တီးတဲ့ တော်လှန်ရေးသမားတွေရဲ့ ကြိုးပမ်းမှုလို့ ဆိုနိုင်ပါတယ်။

တော်လှန်ရေးတရပ် ဖန်တီးတဲ့ နေရာမှာလည်း တော်လှန်ရေးခေါင်းဆောင် က ပြည်သူအများကို ချပြတဲ့ အခါမှာ လက်ရှိအခြေအနေ တော်လှန်ရေးစစ်ပွဲသဘောတရားကို မှန်ကန်စွာ ချပြနိုင်ရမယ် မမှန်မကန်ချပြမှုတွေ ရှိရင် အဲဒီလူဟာ ခေါင်းဆောင်းကောင်းတစ်ယောက်မဟုတ်သလို၊ ခေါင်းဆောင်ကောင်းလည်း ပီသမှာ မဟုတ်ပါဘူး၊ ပြည်သူတွေကို မျက်စိကန်း၊ နားမကြားအောင် လုပ်ပေးတဲ့ သူသာ ဖြစ်တယ်။

တော်လှန်ရေး ခေါင်းဆောင်ကောင်း ဟူသည်

တော်လှန်ရေး ခေါင်းဆောင်ကောင်းကို ဆိုလိုသည်မှာ နိုင်ငံရေး အမြော်အမြင်ရှိရမယ်၊ စစ်ရေးအမြော်အမြင်ရှိရမယ်၊ လုပ်ရည် ကိုင်ရည် ရှိရမယ်၊ အနစ်နာခံတဲ့ စိတ်ဓာတ် အပြည့်အစုံ ရှိရမယ်၊ ပြဿနာကို ကိုယ်တိုင်ဖြေရှင်းနိုင်စွမ်းရှိရမယ်၊ အခက်အခဲတွေ တွေ့ကြုံလာတဲ့ အခါ မယိမ်းယိုင်မှုတွေ ရှိရမယ်၊ အမျိုးသားရေး အတွက်၊ လူတန်းစားတွေ အားလုံးအတွက်၊ တော်လှန်ရေးအတွက်၊ ကိုယ့်ရဲဘော် ရဲဘက်တွေအတွက် သစ္စာရှိသူ ဖြစ်ရမယ်၊ တစ်ဦးချင်း သူရဲကောင်းထင်ပေါ်ရေး ၀ါဒ မရှိရဘူး၊ ဘ၀င်မြင့်တဲ့ ဂိုဏ်းဂဏ ၀ါဒမရှိရဘူး၊ ခေါင်းဆောင်ဟာ ကိုယ်ကျိုးမငဲ့ အများအကျိုးကို ဆောင်ရွက်တက်တဲ့ အမျိုးသားရေး သူရဲကောင်း (သို့) လူတန်းစားအားလုံးရဲ့ သူရဲကောင်းဖြစ်ရမယ်၊ ဒီအချက်တွေဟာ ခေါင်းဆောင်ကောင်း တော်လှန်ရေး သမားခေါင်းဆောင်တစ်ယောက်ရဲ့ အချက်တွေဖြစ်တယ်လို့ မြင်ပါတယ်။

လက်ရှိ ရခိုင်တော်လှန်ရေး

ကျွန်တော်တို့ ရခိုင်တော်လှန်ရေးသည် မဟာမိတ်နယ်မြေ အသီးသီးတို့တွင် ဖွဲ့စည်းတည်ထောင်ကြားကြသည်။ မဟာမိတ် တိုင်းရင်းသား ညီနောင်များ သည်မှာလည်း တော်လှန်ရေး တပ်များကို နေရာအသီးသီး ဒေသ အသီးသီးတို့တွင် နေရာချထားလေ့ ရှိကြသည်။

(သို့သော်) ရခိုင်တော်လှန်ရေး တပ်များနှင့် ခေါင်းဆောင်တစ်ချို့သော ပြောစကားများမှာ တစ်မူခြားနားကြသည်ကို လူတိုင်းတွေ့မြင်ရပါမည်။ ရခိုင်တော်လှန်ရေး ခေါင်းဆောင်တစ်ချို့၏ ရခိုင်ပြည် လွတ်လပ်ရေး၊ ကမ္ဘာ့အလယ်မှာ ဂုဏ်သိက္ခာရှိသော လူမျိုးတစ်မျိုး ဖြစ်ရှိရေး၊ ရခိုင်ပြည်ကို ပြန်လည်ပိုင်ဆိုင်ရေး၊ ရခိုင်နိုင်ငံတော် ပြန်လည်ထူထောင်ရေး၊ ရခိုင်ကံကြမ္မာကို ရခိုင်ဖန်တီးရေး ဆိုသော စကားလုံး လှလှတွေကို သုံးနှုန်းပြီး၊ ရခိုင်ပြည်သူအများကို ပြောလေ့ရှိကြသည်။ စကားလုံးတွေကို ကြားရတဲ့ ရခိုင်သူ၊ ရခိုင်သားအပေါင်းတို့မှာ ရင်မှာ မျှော်လင်းချက်တွေနှင့် ပျော်ရွှင် ၀မ်းမြောက်မိကြသည်။

ဒါပေမယ့် ရခိုင်ပြည် လွတ်လပ်ရေး၊ ရခိုင်နိုင်ငံပြန်လည် ထူထောင်ရေးဆိုသော စကားလုံးများကို ပြည်သူအများက အဓိပ္ပာယ်ကို ခွဲခြား၊ သိရှိ နားလည်ထားခြင်းကြောင့် မဟုတ်ပါ။ မျက်စိသူငယ်၊ နားသူငယ်နှင့် ခိုကိုး၊ အားထားရာမဲ့နေတဲ့ ရခိုင်ပြည်သူတွေရဲ့ အားကိုး မှီခို ချင်တဲ့ စိတ်ကြောင့်ပါ။ လွတ်လပ်ရေး၊ နိုင်ငံထူထောင်ရေး ဆိုသော စကားကို ရခိုင်တော်လှန်ရေး ခေါင်းဆောင်တစ်ယောက်ရဲ့ပြောကြားသည်နှင့်ပင် ရခိုင်ပြည်သူတွေဘ၀ကို အမှောင်ဖုံး လွှမ်းမိုးမှုတွေ ဖြစ်လာခဲ့ပါတယ်။

ဆိုလိုသည်မှာ…..လူမျိုးရေးအရ တိုက်ခိုက်မှု၊ ပြောဆို ဆက်ဆံမှု၊ စိတ်ဝမ်းကွဲမှု၊ အချင်းချင်း နားမလည်မှု၊ အွန်လိုင်း ဗန်းစကားအရ လူမျိုးရေး ထိုနှက် မှုတွေဆီ ဦးတည် လာပါတယ်၊ ရခိုင်အချင်းချင်း ကြားတွေမှာလဲ သွေးတိုးလှုံ့ဆော် မှုတွေကို ဖန်တီးစေလာပါတယ်၊ (တနည်းအားဖြင့်) ရခိုင်တွေကို ကျန်တိုင်းရင်းသားတွေက ပိုပြီး မကျေနပ်မှုတွေ ဖြစ်ပေါ်လာပါတယ်၊ ရခိုင်ပြည်သူတွေကို၊ ရခိုင်လူမျိုးတွေကို မုန်းတီးမှု၊ မကျေနပ်မှုတွေ ဖြစ်ပေါ်လာပါတယ်၊ ဤသို့ ပြောဆိုလျှင် ကျွန်တော့်အား အမျိုးသားသစ္စာဖောက်လို့ ရှုမြင်ကြပါလိမ့်မယ်၊ သစ္စာဖောက် လောက်ကောင်လို့ ပြောဆိုကြပါလိမ့်မယ်။ မည်သို့ပင် ဆိုစေကာမူ ဒီစကားတွေဟာလည်း ရခိုင်နိုင်ငံရေး ခေါင်းဆောင်တစ်ချို့၊ ရခိုင်တော်လှန်ရေး ခေါင်းဆောင်တစ်ချို့၏ သုံးနေကြ စကားတစ်ချို့ဖြစ်တယ်။ သူတို့မှ တစ်ဆင့် ရခိုင်ပြည်သူ အများစုသို့ ဆင်းသက်လာခဲ့တာဖြစ်တယ်၊ ရခိုင်ပြည်သူအများစု ကို အဓိက မျက်စိကန်း၊ နားမကြားအောင် လုပ်ဆောင်ပေးသည်မှာ ရခိုင်နိုင်ငံရေး ခေါင်းဆောင်တစ်ချို့နှင့် ရခိုင်တော်လှန်ရေး ခေါင်းဆောင်တစ်ချို့ ဖြစ်သည်ဟု တိုက်ရိုက် ပြောကြားလိုပါသည်။

ကျန်တိုင်းရင်းသား လက်နက်ကိုင်အများ၏ တော်လှန်ရေး ဖြတ်သန်းမှု၊ တော်လှန်ရေးစိတ်ဓာတ်၊ တော်လှန်ရေး သဘောတရား၊ တော်လှန်ရေး နားလည်မှုတွေကို အတုယူသင့်တယ်လို့လည်း ပြောချင်ပါတယ်၊ တိုက်တွန်းလိုပါတယ်။

လက်ရှိ စစ်ရေး၊ နိုင်ငံရေး အတွေးအခေါ် အယူအဆတွေကိုလည်း သိရှိနိုင်ဖို့ တိုင်းရင်းသားလူမျိုးများအပေါ်မှာ နားလည်သဘောပါက်နိုင်ဖို့၊ မျက်စိကန်း၊ နားမကြားမှုတွေကို ဘေးကိုဖယ်ပြီး၊ အမြင်မှန်၊ အမြင်ကျယ်ကျယ်နဲ့ တွေးခေါ် ယူဆ နိုင်ပါစေလို့ ဆန္ဒပြုရင်း။

ရခိုင်ကြယ်စင်